اختي يا رب اشفيني
لا تخافين بإذن الله مافي قلبك شي بإذن الله وتبين اطمنك ازود راح اصف اللي تشعرين فيه

تحسين بالم تحت الثدي وبعد منتصف الصدر وبعد تحت الابط ويمتد لليد تحت الذراع وبعض الاحيان يمتد الى الرقبه ثم الراس والالم اللي تشعرين فيه هذي احتباس الغازات في بالمعده ثم تضغط على القلب وإن كان رجلك اليمنى هي المنتشنجه هذا قولون عصبي الصاعد بسبب الاكل ما يهضم الاكل ويتشنج القولون ويسبب لك الامور هذي بسبب اللتهابات .

لازم تدققين باكلك يعني تجربين اللي يتعبك لا تاكلينه وحتى مشتقات الالبان راح تتعبك لاتاكلينها .
أبسالك ما صرفوا لك حبوب للقولون اختي ما هي معقوله ما فيه علاجات تاكلينها وش اكلتي اليوم لازم تقولين لي اختي والله اني احاول اساعدك باللي اقدر عليه شوفي كانك ما كلتي شي راح اشير عليك بس ابغى اعرف وش اكلتي تدرين ان التفاح سبحان الله يأثر على اللي عنده قولون عصبي لكن الجزر عكسه عادي يصلح لمرضى القولون اتمنى تاكلين جزر لو اقل شي ثنتين او اطحنيه واشربيه الحين راح يريحك بإذن الله .

وجربي الموز يصلح مع البعض والبعض ما يصلح شوفي إذا تأثرتي اتركيه وإذا حسيتي أنه عادي كوليه .
ثقل لسانك من قل النوم انتي خايفه الله يلوم اللي يلومك بس حاب اقولك القولون اختي يلعب في الواحد لعب شوي قلب وشوي دوخه وشوي صداع تدرين ليه لأنه متشنج
شوفي لازم تروحين للدكتور ويصرف لك علاج للقولون فيه علاج يصرف للي عندهم تشنج قولون اسمه (( ديسبيتالين )) بس ما ادري كانه يتعارض مع العلاجات اللي صارفها لك الدكتور بودي تسألين اللي مشرف على حالك والعلاج هذا سبحان الله راح يفك تشنج القولون ويخلي الواحد ينام بس مره ثانية انا ما كشفت على حالك لازم تسألين الدكتور الله يجعلك ما تشوفين شر . وترى موية زمزم ما تصلح لك لأن فيها املاح عاليه جدا حوالي 500 يعني حاولي ما تشربين منه الا بياله فقط بنية الشفاء فقط والباقي اشربي كاس مويه صحي وكاس عادي من موية البيت لازم تنوعين حتى بالمويه .
للمره الاخيره اذا جيتي تاكلين اي شي حتى لو انه اي فاكهه فيه شي يصلح لوضعك وفيه شي ما يصلح لازم تركزين تشوفين وش اللي يمشي معك الحين وتاكلينه .