أخوي الكريم

اخواني وخواتي ما قصروا بالرد عليك بس اعتب عليهم بحاجة وحده اللي هي انهم يواسونك وهذا اكبر خطـأ تدري ليه لأن شخصيات الناس تختلف فيه ناس يبيلها اقناع وفيه ناس يبيلها مداراة وفيه ناس يبيلها شده وفيه ناس يبيلها تخويف وفيه ناس يبيلها عطف والطريقة هذا ما تنفع معك نهائيا ً أنت يبيلك الشدة لأنك وصلت لمرحلة ما صرت تصدق نفسك .

لذلك أعذرني اخوي انا بكون عكس اخواني وخواتي وهم تاج على راسي يبيلك انت علشان تغير أسلوبك في الحياة الشده لذلك راح اكون قاسي معك وخذ كلامي هذا بمحمل الجد وأبغاك تفكر بالكلام بينك وبين نفسك واذا تمعنت بكلامي زين راح تعرف اخطأك وكيف صار معك الأمر هذا وطريقة علاجك :

- هل أنت رجال تروح لمراقص وراعي شراب وتروح لأماكن مشبوهه يوم أنك تشك بالشيء هذا طبعا ً حاشاك لكن مشغل نفسك باليوتيوب الله يهدك .

- هل نزل وزنك وعندك نقص مناعة والسخونه فيك تطول ما تروح تقعد اشهر واواوااواو الــــخ طبعاً لا كلها ايام وتروح ولا فيك شيء من الكلام هذا.

- أنت الحين في بالك أن الانسان ما راح يموت الا من مرض ياخي فيه ناس مرضى عاشوا الى مية سنة وفيه ناس اصحاء ما فيهم شيء ماتوا يعني الاعمار بيد الله ما هي بيدي ولا بيدك وعلى ما قال الشاعر فكم من صحيح مات من غير علة *******وكم من عليل عاش حيناً من الدهر؟.

-حاب اطمنك المرض هذا وغيره مستحيل أنه يصيب الرجل اللي يخاف الله ومؤدي فروض الله والرسول عليه الصلاة والسلام قال
((من صلى الفجر في جماعة, فهو في ذمة الله حتى يمسي, ومن صلى العشاء في جماعة, فهو في ذمة الله حتى يصبح)) إن صليت الفجر في جماعة, وإن صليت العشاء في جماعة, فأنت في الأربع والعشرين ساعة في ضمانة الله, وفي ظل الله, وفي حفظ الله, وفي تأييد الله, وفي نصر الله.

- أنت في بالك ان ما فيه الا مرض الايدز اللي الناس تموت منه !!!! ياخي حتى الكحه إذا اراد الله على الانسان يموت منها وبالأخير راح اقولك اخطائك اللي وصلك للشيء هذا وطريقة علاجك وكل اللي فيك عبارة عن وساوس شيطان وأقسم لك بالله أن طبقت العلاج هذا راح تضحك على نفسك وتقول فعلاً أثري ضايع يوم أني قاعد اسوي بنفسي كذا .

تكون المشكلة نفسية "وساوس شيطان" بهذه الطريقة وهذا اللي حصل معك

البعد عن إقامة الصلاة في وقتها جماعه + وساوس شيطان + الفراغ + عدم وجود سؤء تغذيه ومشاكل في الجهاز الهضمي = مرض نفسي وساوس شيطان.
العلاج يكون

توكل + صبر + عزيمة + توبه + الصلاة في وقتها جماعه + قراءة القرآن والاذكار+ القيام بعمل أي هواية لإشغال النفس = الشفاء بإذن الله .

اعذرني اخوي ترى قسوتي عليك عتب محب يعلم الله

أسأل الله العظيم رب العرش الكريم بأن يشفيني ويشفيك والمسلمين أجمعين اللهم آمين