نفساني - عرض مشاركة واحدة - أرجوكم ساعدوني سقف فمي اتعبني ؟؟-

27-03-2015, 05:33 PM

السلام عليكم ورحمة الله وبركاته ..

مساكم الله بالخــير .. الحمد لله توي راجع من سفر غبت كم يوم أكيد إنكم أشتقتوا لي 34e

أختي الكريمة ,, تعرفين مع الحمل تنقص الفيتامينات ويلزم إنك بعد الولادة تعوضين الفيتامينات وتعوضين النقص ، ولما حللتي كانت في الحد الطبيعي ممكن لكن نااازلة في الأساس ، ممكن كانت عندك مثلاً في أعلى الحد الطبيعي ثم نزلت نزول قوي ولكنها باقي في الحد الطبيعي ، لكن أيضاً فيه شيء إسمه نزول عن الطبيعي لكن ليس خطير فبعض الاطباء يتركوه أو ما يعطوه اهتمام ، فهناك جدول في التحاليل يطلع فيه تحاليلك كاملة ، شيء منها يكون مو طبيعي لكن مو خطير ف يقولون لك مع السلامة م عندك شيء ،

أختي الكريمة إذا باقي عندك جدول التحاليل شوفي الفيتامينات وشوفي إيش الي مكتوب قدامها حرف Y و علمينا بالرقم إذا هي باقي ، وأيضاً مع الحمل بعض الحريم ياكلون من ذا الخضار الغريبة ويهفون فيها يعنني الولد بيطلع سوبر مان وفي الاخير يطلع راسه اكبر من حفاظته بدون فائدة م غير مسخن كنه فورد 97 ( بديت في الحش ) 46th

وما يدرون عن هالخضار منتهي ولا ملوث ولا من أي مزرعة تلقين فيها الاميبا معشعشة والاميبا تجي من مزارع الخضار القريبة من الانهار او الاودية والانهار فيها وساخات ف تنشأ منها وتروح ع الخضار تعشعش فيها ،

وهذي يعني مو لك للي يقرؤوا كمان الموضوع ، وانسسسسوا تماما تاخذون الخضار من محل لا تثقون فيه ، خااااااصة خاااااااصة سلطات هرفي وماكدونالدز ، ي شيخ الاميبا عندهم مثل الثعابين ذولي ، إشتغلت عندهم واعرف قرفهم قرف ما تتصورونه ،

وعن النغزات الي جت وراحت هذي ي غالية أعراض القلق لما راحت ولله الحمد بدا قلبك يرتاح من الخفقان وتعرفين مثل أي عضلة في الجسم يجي فيها زي الشد والتنميل بعد التعب ثم يروح ، لكن اللاااازم والأهم تعلمين الطبيب وييين مكان النغزات تأشرين عليه ، لأن مكان المعدة قريب من القلب ، ممكن كان إلتهاب في المعدة وهذا تري كثيييييير يجون للعيادات يقولون الالم مكان القلب ويطلع في الاخير إلتهاب في المعدة ، حتى الحموضة للي م يعرفها يجي يقول عندي حرقان في قلبي وفيه مرض إذا زادت الحموضة عن حدها إسمه Heart Burn اللي هو حرقة القلب ، والمشكلة اساسا مو في القلب ولا حول القلب بس المتعارف عليه من الناس هالاسم ،

وخلاصة الكلام ، شوفي الفيتامينات وما يكفي انك تشوفينها مكتوب عليها Normal لازم في الاساس تعرفين كم كانت قبل الاعراض وبعدها وهذا أكيد بيعرفه اللي يفحص دورياً ، وخذي بكلام أخونا ربي يحبك كلمة بكلمة ،

أيضاً كعلاج نفسي وقتي ومساعد للوساوس المزعجة اقترح عليك تقرأين في هذا الموضوع : http://www.nafsany.cc/vb/showthread.php?t=104448

وشكـــــــــراً لكم على القراءة .. ESWVG