الوردة البنفسجية

بيانات اضافيه [ + ]

رقم العضوية : 46011  تاريخ التسجيل :  01 2014  أخر زيارة : 19-08-2023 (05:02 PM)  المشاركات : 355 [ + ]  التقييم :  10

لوني المفضل : Cadetblue

ربي يكتب اجرك ويوفقك شكرا
اخوي انا ماعندي وقت محدد طول يومي على الجوال باي وقت افتح ماعدا وقت المدرسة لاني اداوم وممكن هالاسبوع عندي التزامات يعني افضل وقت تقريبا بين ال9 ال10 في الليل
بالنسبة للاعراض بجاوب على رقم اللي كتبته
1-ماعندي انتفاخ والغازات والامساك موكثيرة بس فيه بس موبشكل ملفت
2-الجنب الايمن قصدك كل جسمي من اليمين؟ لان لا فقط عضلات الصدر وتحت الابط في بعض الاحيان بالنسبه لالم الرجل
كان عرض اول مرة يجيني ويالمني بهذي الطريقة وخفت لكن قمت من النوم اختفى الحمدلله ان شاءالله مايجي من شر فانا ماراح اعتبره عرض لان كم ساعه كان بس
3-نعم بس مافي الم في الرقبة الحمدلله ففط الصدر ومن ورا والراس من فوق قريب من الجبهه والعين
4-نعم بس الم الابط سواء في الجهتين مايجي بشكل مستمر موكثير ولو جا على اليمنى او اليسرى او اثنينهم والم اللي بين السبابة والابهام هذا بعد عرض اول مرة يجيني ومااقدر اوصفه كألم لانه مايالمني بس احس انه مشدود او زي اللي ابي احركه اتمنى تكون فهمت قصدي بس ماهو الم
5-فعلا كان من زمان مزعجني الم اسفل الظهر ورحت سويت اشعه وشخصها على انها املاح او زي مايقولون "رمل" في الكلى وعطاني الطبيب ادوية والحمدلله راح الدواء الاول كان مضاد حيوي خلص والثاني اسمه رينالوف داخلها 60 كبسوله لين الحين استخدمها مع ان هاليومين ماالتزم مفروض 3 في اليوم مرات اخذ اثنين كذا وافكز اقطعه لان احس خلاص انتهى..
6-مالاحظت صراحه لاتخليني اوسوس واروح اشيك لساني ههههه بس مااعتقد
7-انا اعرف مكان القلب الالم موفي القلب بالتحديد جمبه في اليسار صحيح لكن من فوق او المنتصف او اليمين
وهو الم فعلا
8-الطقطقه مومقصره ماشاءالله بكل مكان في جسمي بس انا كتبت ان الطقطقه مايصحبها الم!! فهو صحيح فيه طقطقة بهذا المكان
وايضا فيه الم بس الالم يجي من الطقطقة اوبعدها اذا كذا قصدك ف لا
9-امم انا اشوف وزني متناسق مع ان البعض يقول اني ضعيفه وانا اكلي قليل فعلا وللعلم بعد انا نباتيه
بس مو ضعيفه لدرجه المرض اشوف وزني مثالي