[بكرا أحلى;1060932]اهلين اخوي ربي يحبك

انا اليوم سويت منظار المعده عند الدكتور المفرح الحمدلله واخيييرا
قال لي عندي ( التهاب باسفل المعده + التهاب بالاثنى عشر شديد مره ممتد لااسفلها زي ماقال )
وأخذ عينه من كل المكانين مع اني رفضت وقلت له من البدايه لين اخر شي قلت له في ناس جربوها وتعبتهم

الحمد لله على السلامة وطهور يعني كلامي وش صار يوم انك كل شوي تروحين للمستشفيات ويلعبون عليك ويقولون ما فيك جرثومة معده بس تاكلين حبة النفخ وتزيد اللتهابات عندك صدقتي كلامي الحين و يعلم الله أني ابي مصلحك ومصلحت الجميع شخصت حالك وعطيتك التشخيص الصحيح لحالك وأنا ما كشفت عليك لأن أختي الانسان المتعلم والدارس والمجرب دايم اقولها ماهو زي المتعلم والدارس اللي ما مر بالتجربه هذي .
والحين عرفتي السر اللي مسبب لك الاكتئاب والهلع والخوف وسواس الموت الــــخ خلاص لا تقعدين تقولين وش فيني من اليوم ورايح بإذن الله لا راحت اللتهابات هذي خلاص راح ترجعين افضل من قبل وتنسين شيء اسمه اكتئاب وتكرهين طاريه .

اختي بكرا لعل اخوي منتضر الفرحه يسوي مثلك عز الله انك اخت الرجال ما شاء الله تبارك الله وين الشجاع خخخخخخخخ منتضر الفرحه ياحبي له بس اف لو اني حولهم بالبيت كان اجره مع اذانه هههه واخليه يفحص .

وتراي ما ارسلتك للمفرح عبث الا لأن ناس مجربينه ويمدحونه بالتعامل وهو يخاف الله كبير بالسن وطيب بالحيل ويده خفيفه مقارنه بغيره لو انك رايحه للعنزي كان فتح شوارع في بطنك لا ويقول لازم تخدير كامل علشان يفحط في بطنك والدليل على أن المفرح زين شوفيك الحين تكلمين عادي لكن والله اودي أنك ما اخذتي عينه لأنها بوضعك كذا راح تطول ما تطيب بس ما عليك شوفي احلف حلف إذا راحت اللتهابات هذي ما راح تعرفين شيء اسمه اكتئاب بإذن اللي ما تنام عينه .


أقصدك خخخ ، قال لا ماتضر مهمه عشان اشوف عن الجرثومه ودرجة الالتهابات ًوحساسيه القمح شي زي كذا
وصرفلي علاج واحد بس للالتهابات كلها كورس مدته شهرين واسبوعين بس < حسيت انه مايكفي علاج واحد متوقعه اكثر !! شرايك
خاصه انه اول ماشاف التهاب المعده قال هذا التهاب مزمن !! كيف مزمن يعني ؟؟ مافهمت يعني يستمر معي طول عمري ولا كيف ؟؟

أختي يقول ما تضر لأنه ما جرب واخذ عنيه من بطنه علشان يعرف لكن هو سوا كذا يبي يتطمن اكثر عليك هو انسان يشهدون له الناس وجداً محترم ويخاف الله لكن الله يهديه أنا ابخص منه بالأمور هذي مع احترامي له المفروض يصرف لك العلاج وإذا ما نفع قال خلاص يقول الحين ناخذ عينه لأن العلاج ما فاد

وبناءً على وصفه لحالك اللي فيك اللتهاب مزمن يعني اللتهاب له فتره طويله فيك من زمان حوالي العشر سنوات واكثر وهو ما زاد عليك الا يوم اهملتي نفسك لو انك ذيك الفتره من تعبتي فحصتي بالمنظار كان ما صار فيك اللي صار الحين .
تذكرين يوم تقولين لي مرت علي ايام ما كنت اكل شيء بس اشرب مويه يعني من ذيك الفتره هذي بدايته معك نفس تحليلي لبداية مرضك لعلك تكونين الحين فهمتي وش معنى اللتهاب مزمن ارجعي لكلامي في تشخيصي لحالك في موضوعك وراح تلقني قايل لك الكلام هذا .
اختي قلت لك للمره المليون اللي يهمل نفسه بقل الاكل او التركيز على اكل معين ويحرم نفسه من الاكلات الثانية ويعزل نفسه ووااوووااو تقوعي عليه اكثر من كذا . وأنتي الامور هذي كلها مسويتها قبل .

وبما أن اللتهابات اللي فيك مزمنه ومتعدده يعني لها فتره طويله معك ولا عالجتيها بالشكل الصحيح ما غير تنفخين بحبه الجرثومة هذي وتزود اللتهاباتك وانتي ما تدرين وش السالفه قاعدين يلعبون عليك الدكاتره ومعيشينك في دوامه ويقولون اللي فيك نفسي هههههههههه الحين صار اللي فيك نفسي او جسدي .

ومن الحين اقولك يبيلك فتره طويله علشان تطيبين لأن اللتهابات متعدده عندك لكن مع الحمية الغذائية الصحيحه المتكامله وقراءة القرآن لأن اغلب مشاكل الباطنية ما تجي الا من العين والعلاج راح تشفين بإذن الله .

والعلاج طريقته البدايه حبتين اسبوعين بعدها حبه مده شهر بعدين حبه يوم بعد يوم مده شهر وأوقف شهر
والاحظ الاعراض اذا راحت تمام واذا ماراحت الالام اسفل المعده قال لي نحتاج منظار قولون وادويه له
بس قال نتأكد اول عشان ماتكثر الأدوية خاصه ان الالتهاب يثير القولون زي ماقال
راح اكتب لك الحبوب حاليا مو عندي الوصفه

اتوقع انه صارف لك جاسيك اوعلاج النكسيوم وراح يصرف لك مضادات بس يبي يتأكد عقب فحص العينات لأنها ترسل اضن خارج المملكه ويبيلها شهر وفيها علشان تطلع النتيجه لكن تأكدي وعلمني وصحيح كثرة العلاجات تثير القولون والمفروض ما تاخذين منظار القولون لأن وضعك ما يسمح اللتهابات اللي فيك متعدده والامتصاص ضعيف في الامعاء وعلشان كذا هرمون السعاده السيرتونين ما يفرز بالشكل الصحيح وفيه نقص عندك لأن جدار الامعاء عندك ملتهب واغلب الهرمون 95% موجود فيها .

صراحه المنظار وهو يسويه لي استفرغت مرتين ودموعي بس تنزل
متعب أول مايدخل للحنجره والمرئ والباقي سهالات الحمدلله
اما الدكتور المفرح مره رهيب انسان متواضع طيب مره مايحب المريض المتوتر
يجلس يمزح ويهون عليه .. الله يسعده
قال لي مع العلاج راح تروح الاعراض وقال لي عن حميه ع السريع

ما قلت لك قبل أنه انسان طيب وكبير بالسن وخلوق ويخاف الله ويواسي المريض
احمدي ربك والله ما تلقين مثله لو انك عند واحد غيره كان بالمستشفى الحين من التعب ويكفي انه سواه لك بتخدير موضعي دليل على مهارته .

وانا ارتحت لما سويت المنظار عرفت وش فيني
وان شاء الله ترتاح نفسيتي مع العلاج
جزاك الله خير انت اللي شجعتني اسويه ..

الصلاة خير من النوم اجل ما بعد ارتحتي الحين أنا ما سجلت في المنتدى هذا الا يعلم الله ابي دعوه في ظهر الغيب واببين للناس اقول كل اللي فيكم اللتهابات او تقرحات هي اللي لاعبه فيكم ومسويه فيكم النون وما يعلمون إذا راحت الامور هذي يرجع الانسان طبيعي مثل قبل واحسن .

ايش رايك في وضعي وتشخيص المنظار
انا شلت هم لاالتهاب الأنثى عشر لانه شديد أشد من المعده[/QUOTE]

صحيح اللي فيك ماهو بسيط والمفروض اهلك ما يلومونك إذا حسيتي بتعب لأن جسمك الحين بحاجه ما سه للأكل المفيد وحاب اطمنك بنفس الوقت بإذن اللي ما تنام عينه راح ترجعين افضل من قبل واحسن .

لذلك اتمنى اختي أنك تواصلين مع اختي أمل الروح وتاخذين رقمي منها ويكلمني احد من اخوانك لأني علاجك يحتاج تفصيل ومتابعه