[COLOR="Red"][بكرا أحلى;1060932]

الحمد لله على السلامة وطهور يعني كلامي وش صار يوم انك كل شوي تروحين للمستشفيات ويلعبون عليك ويقولون ما فيك جرثومة معده بس تاكلين حبة النفخ وتزيد اللتهابات عندك صدقتي كلامي الحين و يعلم الله أني ابي مصلحك ومصلحت الجميع شخصت حالك وعطيتك التشخيص الصحيح لحالك وأنا ما كشفت عليك لأن أختي الانسان المتعلم والدارس والمجرب دايم اقولها ماهو زي المتعلم والدارس اللي ما مر بالتجربه هذي .
والحين عرفتي السر اللي مسبب لك الاكتئاب والهلع والخوف وسواس الموت الــــخ خلاص لا تقعدين تقولين وش فيني من اليوم ورايح بإذن الله لا راحت اللتهابات هذي خلاص راح ترجعين افضل من قبل وتنسين شيء اسمه اكتئاب وتكرهين طاريه .

الله يسلمك يارب ، اي والله ومحد فهم للالتهاب اللي فيني يازين المنظار بس
وع طاري الجرثومه الدكتور المفرح مايشوفها شي واذا تكلمت عنها ما يهتم يركز ع الالتهابات اكثر شي
وانت ياخوي صدقت بكلامك اسلوبك مقنع جزمتني أسافر واسوي المنظار ربي ارسلك للمنتدى عشان تساعدنا

عرفت وياليتني عرفت من زمان لكن أراده الله حمدلله
اتمنى تروح وتصير اعراضي ماضي يارب
خصوصا الاكتئاب ااااه منه


اختي بكرا لعل اخوي منتضر الفرحه يسوي مثلك عز الله انك اخت الرجال ما شاء الله تبارك الله وين الشجاع خخخخخخخخ منتضر الفرحه ياحبي له بس اف لو اني حولهم بالبيت كان اجره مع اذانه هههه واخليه يفحص .

حلوه اخت رجال انا للحين مب مستوعبه اني سويته كأنه حلم مير اشوا اني جزمت :(
اتمنى يسويه والله ماعليك منتظر صح يتردد كثير ويماطل بس انه اذا قرر واقتنع يسويها ع طول
هههههههه اذا ماقرر حضرته وطولها لازم تجره هههه


وتراي ما ارسلتك للمفرح عبث الا لأن ناس مجربينه ويمدحونه بالتعامل وهو يخاف الله كبير بالسن وطيب بالحيل ويده خفيفه مقارنه بغيره لو انك رايحه للعنزي كان فتح شوارع في بطنك لا ويقول لازم تخدير كامل علشان يفحط في بطنك والدليل على أن المفرح زين شوفيك الحين تكلمين عادي لكن والله اودي أنك ما اخذتي عينه لأنها بوضعك كذا راح تطول ما تطيب بس ما عليك شوفي احلف حلف إذا راحت اللتهابات هذي ما راح تعرفين شيء اسمه اكتئاب بإذن اللي ما تنام عينه .

اي والله الدكتور قمه بالأخلاق مريح بشكل ويده فعلا خفيفه انا تعبت باول المنظار وهو يده خفيفه كيف لو دكتور غيره كان والله اسحبه وأقوم
وقاعد يمدحني يقول تستاهلين جائزه ع صبرك وأدبك احم هههه
والله ودي وكم مره قلت له مابي عينه قبل يبدا بالمنظار رجعت قلت له وقال انا توني استئصلت زوائد وسويت عمليات مايضر عينه بسيطه
ماقدرت اناقشه ، قصدك الالتهابات تطول ماتطيب بسبب العينات اخذ ثنتين حتى ..
يارب ان شاء الله كلامك ريحني الله كريم


أقصدك خخخ ، قال لا ماتضر مهمه عشان اشوف عن الجرثومه ودرجة الالتهابات ًوحساسيه القمح شي زي كذا
وصرفلي علاج واحد بس للالتهابات كلها كورس مدته شهرين واسبوعين بس < حسيت انه مايكفي علاج واحد متوقعه اكثر !! شرايك
خاصه انه اول ماشاف التهاب المعده قال هذا التهاب مزمن !! كيف مزمن يعني ؟؟ مافهمت يعني يستمر معي طول عمري ولا كيف ؟؟

أختي يقول ما تضر لأنه ما جرب واخذ عنيه من بطنه علشان يعرف لكن هو سوا كذا يبي يتطمن اكثر عليك هو انسان يشهدون له الناس وجداً محترم ويخاف الله لكن الله يهديه أنا ابخص منه بالأمور هذي مع احترامي له المفروض يصرف لك العلاج وإذا ما نفع قال خلاص يقول الحين ناخذ عينه لأن العلاج ما فاد

صادق عشانه ماجرب لكن مجتهد ع قولتك لانه بعدما اخذ العينات قال ابي اثبت واتاكد اكثر
ياليت مااخذ لاني بعد المنظار بطني متعبني اكثر والألم اشتد يمكن من العينات مدري :(


وبناءً على وصفه لحالك اللي فيك اللتهاب مزمن يعني اللتهاب له فتره طويله فيك من زمان حوالي العشر سنوات واكثر وهو ما زاد عليك الا يوم اهملتي نفسك لو انك ذيك الفتره من تعبتي فحصتي بالمنظار كان ما صار فيك اللي صار الحين .
تذكرين يوم تقولين لي مرت علي ايام ما كنت اكل شيء بس اشرب مويه يعني من ذيك الفتره هذي بدايته معك نفس تحليلي لبداية مرضك لعلك تكونين الحين فهمتي وش معنى اللتهاب مزمن ارجعي لكلامي في تشخيصي لحالك في موضوعك وراح تلقني قايل لك الكلام هذا .
اختي قلت لك للمره المليون اللي يهمل نفسه بقل الاكل او التركيز على اكل معين ويحرم نفسه من الاكلات الثانية ويعزل نفسه ووااوووااو تقوعي عليه اكثر من كذا . وأنتي الامور هذي كلها مسويتها قبل .

اها كذا قصده بالتهاب مزمن المشكلة اني ماحسيت باي الم ببطني عشان افحص وما توقعت اني الاعراض الثانيه بسببه والله ولا يجي بالبال اصلا
ايه فهمت بس انا لما كنت مااكل ابدا قبل ثلاث سنوات قريب واعراضي بدت من عشر سنوات تلخبطت مافهمت
ايوا انا أهملت نفسي كثيررررررر أكلي كله مطاعم وغازيات ماعرف غيرهم وهذي اكثر شي حذرني منها المفرح


وبما أن اللتهابات اللي فيك مزمنه ومتعدده يعني لها فتره طويله معك ولا عالجتيها بالشكل الصحيح ما غير تنفخين بحبه الجرثومة هذي وتزود اللتهاباتك وانتي ما تدرين وش السالفه قاعدين يلعبون عليك الدكاتره ومعيشينك في دوامه ويقولون اللي فيك نفسي هههههههههه الحين صار اللي فيك نفسي او جسدي .


ومن الحين اقولك يبيلك فتره طويله علشان تطيبين لأن اللتهابات متعدده عندك لكن مع الحمية الغذائية الصحيحه المتكامله وقراءة القرآن لأن اغلب مشاكل الباطنية ما تجي الا من العين والعلاج راح تشفين بإذن الله .

فتره طويله يعني بحدود كم شهر تقريبا ؟؟!
الحمية ماتوقعتها متعبه كذا من امس بديت مو عارفه وش اكل أكلي زبادي وبر وسلطه
ولا دخلت روابطك حاسه اني ضايعه ماعرف ايش اسوي
ان شاء الله بس افضى بدخلهم


[COLOR="red"]
اتوقع انه صارف لك جاسيك اوعلاج النكسيوم وراح يصرف لك مضادات بس يبي يتأكد عقب فحص العينات لأنها ترسل اضن خارج المملكه ويبيلها شهر وفيها علشان تطلع النتيجه لكن تأكدي وعلمني وصحيح كثرة العلاجات تثير القولون والمفروض ما تاخذين منظار القولون لأن وضعك ما يسمح اللتهابات اللي فيك متعدده والامتصاص ضعيف في الامعاء وعلشان كذا هرمون السعاده السيرتونين ما يفرز بالشكل الصحيح وفيه نقص عندك لأن جدار الامعاء عندك ملتهب واغلب الهرمون 95% موجود فيها .

ايه جاسيك 40 طيب حلو لو يصرفلي زياده لاني ماقتنعت توقعت اكثر
قال لي نتيجه العينه تطلع بعد 10 ايام
صرفلي جاسيك وحبوب فقر دم 3 شهور وحبوب لان طلع عندي دوسنتاريا يقولي هذي ديدان تثير القولون
وكثره الأدوية تتعبك وقال لي ماشوف منظار القولون ضروري بحالتك استمري ع الادويه وخلصي الشهرين
اذا ماراحت الاعراض اسفل البطن تعالي اسوي لك منظار القولون واصرف لك علاج يهدي
بس المشكله انا من اخذت العلاج والصداع ذابحني والدوخه زادت احس اني بطيح من شده الصداع ماقدرت أرد عليك وتاخرت بسببه
يارب رحمتك

[COLOR="red"]

ما قلت لك قبل أنه انسان طيب وكبير بالسن وخلوق ويخاف الله ويواسي المريض
احمدي ربك والله ما تلقين مثله لو انك عند واحد غيره كان بالمستشفى الحين من التعب ويكفي انه سواه لك بتخدير موضعي دليل على مهارته .

اي والله ربي يسعده ويسعدك معه انك دليتني عليه




الصلاة خير من النوم اجل ما بعد ارتحتي الحين أنا ما سجلت في المنتدى هذا الا يعلم الله ابي دعوه في ظهر الغيب واببين للناس اقول كل اللي فيكم اللتهابات او تقرحات هي اللي لاعبه فيكم ومسويه فيكم النون وما يعلمون إذا راحت الامور هذي يرجع الانسان طبيعي مثل قبل واحسن .

انا ارتحت بس قصدي اعراضي توها ان شاء الله مع العلاج ارتاح نفسيا لاني مو قادره اتحمل هذي الاعراض اكثر ماقدر ماقدر
خاصه المشي صاير صعب علي والحركه وجسمي مره احسه ثقيل مدري اذا المعده تسبب هالشي ولا وش هذا
حتى الكلام ماقدر اتكلم ثقيل علي ارتاح اذا ماتكلمت ولو تكلمت ع طول ابكي
مو معقوله المعده تسبب كذا والله فظيعه شوي واصير مشلوله المشي ولا كلام
الله ياجرني بالجنه

ايش رايك في وضعي وتشخيص المنظار
انا شلت هم لاالتهاب الأنثى عشر لانه شديد أشد من المعده