نفساني - عرض مشاركة واحدة - زواج السعوديه من غير السعودي ( الأجنبي ).

07-04-2015, 02:08 AM

السلام عليكم

ماشاء الله 1461 صفحة .. انا حاولت اقرا الي اقدر عليه بس ١٤٦١ صفحات كثيره gfds ..

الله يسعدكم محتاجة مساعدتكم الي عنده خبره بالموضوع .. انا من سكان الشرقيه .. وحابه استفسر بخصوص المعامله لني ناويه اقدم عليها خلال الاسبوعين الجايين .. انا ان شاء الله راح اتزوج عربي وراح اسكن ب استراليا معه .. بما انو عنده الجنسيه الاستراليه وساكن هناك .. بموقع الامارة تبع الشرقيه الشروط تنطبق ع المقيم بالسعودية ! انا خطيبي مش مقيم وماعمرة دخل السعودية ..ونحن مارح نسكن بالسعودية لكن في استراليا

حابه استفسر عن المعامله .. الي عرفته خلال قرائتي للموضوع انو الشروط هي
لا يقل عمر الزوجة عن 25 سنة وانا عمري ٢٩
.. تعريف عمل الزوج مصدق من الغرفة التجارية ( هل هنا احتاج تعريف من عمل خطيبي ب استراليا ) ،،،
تعريف عمل الزوجة مصدق من الغرفة التجارية أو مشهد مصدق من العمدة والشرطة في حالة عدم وجود عمل ( انا ما اشتغل ايش المقصود بمشهد هنا)
صورة من الإقامة والجواز للزوج سارية المفعول مع الأصل ( وهنا هل اكتفي بمجرد صورة جواز لخطيبي او احتاج اثباتات ثانيه )
إقرار من الزوجة مبصوم بالموافقة = نعم أنا فلانة بنت فلان أوافق على زواجي من فلان بن فلان وكتابة رقم الإثباتات والبصمة ( هل المقصود هنا الخطاب الي هو المعروض )
غير كذا هل في امور ثانيه لازم اقدمها؟

برضو هل اقدر اقدم على المعامله كمعاملة الكترونيه .. او لازم اروح الامارة .. ولو كان لازم هل اروح مع الوالد ؟ مثل ماقلت خطيبي مش مقيم بالسعودية .. وماعمره دخل السعودية ..
وبالنسبه للتحاليل خلال قرائتي للموضع بالمنتدى كان في جدل حول التحاليل فتخوفت منها .. انا حامله لمرض فقر الدم مش مصابه و خطيبي سليم مافيه شي .. هل هنا في اشكالية بالموضوع؟ وبالنسبه للتحاليل لو كان راح يحلل بالخارج (استراليا) هل التحاليل لازم تكون مصدقة من قبل السفارة السعودية او الاستراليه هناك عشان تكون معترف فيها هنا؟

بشكل عام لو كنت راح اقدم .. كم ممكن تآخذ المعامله .. انا ودي اعقد قريب بسبب بعض الظروف لخطيبي ..

الله يعطيكم العافيه .. ويوفق الكل يارب