نفساني - عرض مشاركة واحدة

01-05-2004, 10:57 PM

دوت كوم ...

هههههههههههههههه << عجبتني بالحييييييييييل قصة المدير ...

مشكووووووووووووور بالحييييييييييييل

أسمع ..

هذا الحدث صار لي حديثاً هذا الأسبوع ..

أحنا (يعني بنات فصلي كلهم) كل صباح نسوي فوضه على الطابور .. محد يبي يصف قدام ..

وفي ذاك اليوم على العاده كل وحده تلوح الثانيه.. لحد ما جات معلمه ورتبت الطابور .. وأنا من قرادة حظي صفتني قدام ..

وأنتظرت لحد ما تبتعد عن طابورنا .. ولم أبتعدت .. لـــــــــــــف على ورى .. رجعت ورى ..

المهم .. وأنا أخذ اللفه شافتني المديره بعمرها .. وما شفتها إلا وهي جنبي وتطالعني وهي معصبه .. أناأمسكها ضحكه .. وهي تنقهر إذا شافت وحده تضحك..

وقالت لي .. روحي قدام .. وكان قلبي .. بم بم بم بم .. << تقصد أول وحده ..

رحت وصفيت ثالثه وحده .. وما شفتها إلا رجعت لي وتخزني.. أنا بعدين صفيت الأولى .. طبعاً بعد ضحك عمييق وقفه مدتها دقيقتين .. وعيوني في الأرض وميته ضحك .. أحاول أمسك نفسي ومو قادره ..

وشفتها رجعت ثانيه لي .. (قلت أنا لااااااا شكل أبليس لابسها اليوم) .. وقالت لي روحي ورى أنا أعرف شلون أتصرف معاكِ .. ..

طيب

رجعت ورى وأنا يا ربي مو قادره أمسك نفسي من الضحك .. وصديقتي ترمش لي بعيونها يعني تقول لي سكتي .. بس خلاص أنا إذا مسكت الضحك مستحيييل أتركه

رجعت ورى يا محفوظ السلامه .. وشفتها جات ووقفت جنبي .. وبس خلص الطابور قالت لي روحي الأداره ..

رحت .. وما شفت أحد هناك كلهم في الطابور لسى ما خلصوا الفصول .. جلست أنا أدور في مبنى الأداره .. أنتظرهم .. وفجأه شفت أبليس دخل (المديره) شافتني وأنا أدور وأحوس .. وتمسكها لي علقه .. أنتي ما عنك ذوووق وأنتي ما عندك أحترام وما عندك نظام ...... الخ

حاولت أبرر موقفي .. قالت لي (شب) وربي قالتها .. بعدين قالت أسسسس .. (تعدلها يعني) .. أنا خلاص سمعت هالكلمه .. وأمسكها ضحكه من جديد .. والله العظيم ذاك اليوم المديره طالعه قرونها من راسها والسبه أنا وبكل فخر ..

وأرسلتني للمشرفه الطلابيه .. وبعد كلام طوييييييييييييل أخر شيء وقعت على تعهد بعدم الضحك في الطابور وأنا مرفوعة الراس ..

سوووري دوت كوم على الأطاله بس هذه أحداث الموقف كله ..

أســــمع

طلع دوت كوم ناااااااايم .. هيييييييييييييييي أصحى أصحى أنا أسولف

دوت كوم : أوه وداع كملي أختي كملي سالفتك ..

وداع : خلصت يا حظي

دوت كوم : شكراً شكراً ... حلوو قصتك

واااضح

على العموم شكراً بالحييييل

حفظكم الله وأيدكم