عبير الرياض

بيانات اضافيه [ + ]

رقم العضوية : 50546  تاريخ التسجيل :  04 2015  أخر زيارة : 04-07-2015 (09:36 PM)  المشاركات : 10 [ + ]  التقييم :  10

لوني المفضل : Cadetblue

السلام اولا اشكركم على المنتدى .. انا عندي موضوعين عني و عن صاحبتي .. موضوعي : انا سعودية قبيلية من الرياض عمري 27 خطبني ألماني الجنسية والاصل عمره 29 وهو اعتنق الاسلام من سنة وشوي ومقيم له 3 سنين بالرياض .. طبعا كلكم عارفين ان امارة الرياض شرط العمر للبنت السعودية فيها للمواليد 21 ولغير المواليد لازم يكون 25 وهالعمر اعتقد انه منطبق علي الحمدلله .. لكن امارة الرياض اضافت شرطين تقريبا من بداية هالسنة وموجودة بموقعهم وهما 1- ان يكون الخاطب مسلم 2- ان يتحدث العربية !! طبعا مسلم اقدر اثبت لهم بشهادة اسلامه بس يتحدث العربية صعب هو مايعرف عربي الا بعض الكلمات البسيطه زي اي شخص اجنبي السلام عليكم ومرحبا وكذا ومكسر الكلام .. المهم سؤالي هالشرط لو ماتوفر فيه يرفضون الزواج ؟ يعني الزامي يتحدث عربي ؟ ولا اذا ماتوفر فيه تكمل الاجراءات بس تكون بشكل ثاني يعني تختلف الاجراءات عن اللي يتحدث عربي ؟ بس ابغى اتأكد يرفض اللي مايتكلم عربي ولا له اجراءات غير ؟ انا بصراحة محتاسه مو عارفه حتى كيف اجراءات المقيم بالرياض هل تروح على طول للداخلية زي زواج الخارج ولا تبقى بامارة الرياض فقط زي زواج المواليد و كمان شرط يتحدث العربية مقلقني .. ياريت تساعدوني وتشرحون لي الله يفرج همكم والله اني مهمومه وحالتي حاله لي شهور على هالحاله انا مابغى اروح اقدم الا وانا عارفة ايش لي وايش علي عشان مانصدم غير انه اغلب اهلي اصلا موافقين على الزواج بطلعة الروح يعني لو قدمت وانرفضت معاملتي مارح يوافقون اقدم استثناء او مره ثانيه خلقه يبونها من الله انها تنرفض .. اما موضوع صاحبتي : هي سعودية عمرها 26 بتتزوج مصري عايش بمصر يعني مو مولود ولا مقيم سؤالي هل عمرها يناسب ؟ لان سمعت انا ان المقيم و اللي من الخارج نفس العمر 25 اما المولود 21 فابغى اتأكد من العمر هو 25 ولا لا للي تبغى تتزوج من برا ؟