المشاركة الأصلية كتبت بواسطة الضاحك المستبشر

تصدق يالبدراني انا انسان محظوظ صراحة من ناحية المدن اللي عشت فيها ..
عشت في مكة طبعا وانولدت فيها ومكة تعرف بلد الله الامين واذا ضاق صدرك تنزل الحرم تصلي ركعتين وتتفرج في الطائفين والمعتمرين والركع السجود ..
واذا بغيت البحر عنك بحر جدة او بحر الليث والشعيبة وانت صادق ترى البحر سبحان الله اول ما تروح عنده تحس سبحان الله ان الطاقة السلبية تنسحب من جسمك خاصة مع تلاطم الامواج ونسيم البحر ..
والحين عايش في الباحة صح ان جوها بارد اغلب ايام السنة بس يوم تطلع على قمة جبل وخاصة اذا كان المنظر مطل على تهامة تشعر بشعور ثاني..
وياسلام اذا غيم الجو سبحان الله تشوف الغيوم تحتك والضباب والبروق والرعود خاصة في ايام الصيف والربيع والخريف صراحة اجواء ترد الروح للروح..

والله محظوظ وبقوة خاصة الحرم وقت الفجر مع صلاة ابن حميد اه اه اه ذكريات والله فتحت جروح الماضي ونزلت الدمعة الله عليها ايام كنت معافي سليم وروحانية وصلاة الحين مرض عضوي ونفسي وفصام وحبسه في البيت

الغربية عموما حلوة والبحر سبحان من خلقه شي خرافي

اما الجنوب زرتها مرة واحده في حياتي يوم كان عمري 12 سنة دوبي صغير اتذكر بعض الاحداث منها جو الباحة ومنتزهات ابها والجو البارد والبرشومي والعسل ايام راحت .

واما العمل وانا اخوك اذا تبغي نصيحتي قدم تقاعد طبي فانت حالتك ما تسمحلك بالعمل صدقني والدولة الله يجزاها خير تعطيك 75% من راتبك الاساسي اذا عندك حالة وفيه واحد من اقاربي مثلك عنده فصام وقدم تقاعد طبي وحياته كلها تماشي وطلعات..

التقاعد ما يعطي 75 في المائة هذي للعسكري اما المدني في يعطونه 40 في المائة فقط وانا عندي قسط بنك بس اخلصه على طول اتقاعد وحاليا مقدم على اجازة استثنائية لمدة شهرين تبدا شهر 8 هجري ان شاء الله .

واما بالنسبة لعلاجاتك اذا تبغي نصيحتي انصحك انك تترك مضادات الذهان لانها ضررها اكثر من نفعها وحاول انك تتعايش مع الافكار الذهانية..
وشوف وضعي انا استمريت فترة تقريبا 6 شهور على مضادات الذهان وبعدين تركتها والحمد لله اني تركتها لاني اتوقع لو اني استمريت عليها يمكن بيتطور الوضع ويصير عندي هلاوس سمعية وبصرية وحركات لا ارادية في الجسم وغيرها من الاعراض..
بس الحمد لله من يوم تركتها واستخدمت عشبة لسان الثور شالت عني الاكتئاب ولكن الافكار الذهانية لازالت موجودة عندي وهي افكار سخيفة مثل اني احس ان الناس كلهم يتكلمون فيه او بيشتكوني او شيء من هذا القبيل..
بس هذي الافكار عندي مربوطة بالاكتئاب يعني يادوب اكتئب تجي افكار الذهان السخيفة واذا راح الاكتئاب تروح معه الافكار..

وصدقني اذا اخذت اجازة ديرها تماشي على كل مدن المملكة واذا بتجيني الله يحييك البيت بيتك وراح واذا تبينا حتى نمتر خط الاستواء كله ماعندي مشكلة انا فاضي لا شغلة ولا مشغلة 46th

ترى وانا اخوك اهم شي عند الانسان صحته وانت لازم تهتم بصحتك وصدقني الافكار الذهانية ما تجي الا اذا الواحد جلس لوحده في البيت يقعد طول الوقت يفكر خلاص تجيه ام الوساويس ..
ولكن حاول انك تشغل نفسك باي شي لعبة والا خرجة والا اي شي اهم شي ماتجلس وحيد