مباشر

بيانات اضافيه [ + ]

رقم العضوية : 49080  تاريخ التسجيل :  11 2014  أخر زيارة : 20-01-2018 (09:31 AM)  المشاركات : 178 [ + ]  التقييم :  18

لوني المفضل : Cadetblue

نفس الأعراض كانت فيني
بس حاولت بكل الطرق اني اتفاداها
وكنت اطلع من البيت وادري انها بتجي
وقلت أموت وانا بعزيمة ولا اني اموت محبوس البيت هههههههه
وطلعت اكثر من مرة وكانت تجيني الاعراض مرات اقول بستسلم بس اصبر
وتعلمت اتناسا المرض مع انه في بالي ههههههه بس احاول كل الطرق
وخطوة خطوة لاحظت الأعراض تقل كثيرررر
وصرت اطلع عادي وعرفت السبب ان علاج هذا المرض هي المواجهة والتوكل على الله
والحين الحمدلله اعاني من اشياء بسيطة ومرات اتزيد بس اسيطر عليها
وللعلم ما استخدمت ولا حبة دواء
وبإذن الله بكمل هذا التحدي ليييييييييييين اخررررررة
ويا انا يا هوووو
وانتي بعد خليه تحدي بينج وبين نفسك
لازم تتغلبين عليه ماهو بكيفة
ولا تتوقعين النتائج من أول يووووم لازم تستمرين على جدول معين غصب طيب
أفضل الأسلحة لي تقدين تستخدمينها :
1- كتاب الله وذكرة
2-النسيان
3-المواجهة ( يعني قالج مرضك صعب انك تسوين شي انتي سويه عناااااد فيه او قالك انتي فيك مرض الفلاني قولي له كذااااااااب و60كذاب مافيني الا العافية وانت مرض غبي ومب انت الي بيسيطر علي )
4-الرياضة (المشي السريع وانا كنت استخدم الايفون ومنزل برنامج اسمه itube الي يخليك تحمل اي شي من اليوتيوب وتسويه سيف بشكل سريع وتسمعه اي وقت وكنت في وقت المشي السريع اسمع حلقات الوعد الحق للشيخ عمر عبدالكافي وحلقات قصص الأنبياء لعمرو خالد وكان له تأثير قوي على مرضي )
4- الإنشغال بهواية معينة مثل الطبخ او الرسم او قراءة كتاب ورواية معينة وغيرها من الأمور الي تشغلك
5- لا تعزلين نفسك ( هذا سلاح قوي يبعد الإكتئاب ويقلل من الأعراض بس بالتدريج بتخف حاولي تجمعين الأهل مثلاً بعد العصر قدام البيت فرشي حصير او فراش وسوي الشاي والقهوة او سوي حلا ومن ها الحركات واذا عندك اخوات خليهن تشاركنك هذي الامور وجلسوا وضحكوا)


وتأكدي يا اختي ان هذا إببببببببببببتلاء من ربي سبحان وتعالى وخليك دايماً راضيه وتحمدين الله على كل صغيرة وكبيرة انعمك بها وأنتظار الشفاء نوع من أنواع العبادة وأكثر من أبتلاهم الله فالدنيا هم الأنبياء ثم الصالحين من الناس وبإذن الله مع صبرنا ويقيينا بالشفاء حتى لو طالت المدة بيكون سببب بدخولنا مع النبيين والصديقيين الى الفردوس الأعلى

وتأكدي الكثير من ابتلاهم الله بها المرض من الله عليهم بالشفاء وعادوا أفضل من قبل بس اشتهدوا على نفسهم وثابروا وحاولوا وإن شاءالله نكون منهم فالقريب العاجل

إن شاءالله تكتبين لنا فالقريب انك واجهتي مرضك والحيت انتي في تحسن مستمر والله اني انتظر هذي الكلمات منك
الله يشفيك ويسعدك يارب