الانطوائي

بيانات اضافيه [ + ]

رقم العضوية : 45715  تاريخ التسجيل :  12 2013  أخر زيارة : 13-06-2016 (06:03 PM)  المشاركات : 7 [ + ]  التقييم :  10

لوني المفضل : Cadetblue

..عائلتي سبب تعاستي ..

نعم العنوان صحيح هذا مااحس به تجاه عائلتي

أكره كل أهلي فرد فرد كبير وصغير أبي وأمي وأخواني وأخواتي لماذا ؟؟

هم سبب تعاستي هم سبب كل الأمراض اللي فيني هم اللي بسببهم صاير أروح لدكتور نفسي وصار لي اكثر من سنة وعلى حسابي الشخصي طبعا ولا هم ماهمهم شيء

كل واحد فيهم عايش حياته ومرتاح وأي مصيبة تجي على راسي أنا

أنا بس لو اذكر حقيقة كل واحد فيهم كان كل واحد فيكم يكره أهلي دبل كرهي لهم حسبي الله ونعم الوكيل فيهم أنا ادعي كل يوم دعوة بأنه وحدة من الاثنين " اما ربي ياخذهم كلهم .. أو ربي ياخذني أنا عشان أرتاح "

طبعا كلنا مشتت شملنا كل واحد في جهة وعايش حياته والمشاكل تهل وتزيد على راسي انا لين متى أتحمل ؟؟

كاره كل شيء في حياتي ماابغى ولا شيء من هالحياة غير قبري أو أي حل يبعدني عنهم المشكلة حتى اني حاولت اسافر واكمل دراستي برا بس عبس وانتو عارفين السبب اكيد بسبب الشروط اللي حاطينها ولا كان من زمان انا سافرت وارتحت

ومع حالتي النفسية الآن وصلت لدرجة اني حتى من السفر قمت اخاف مع انه ماكنت يوم من الايام اخاف من شيء اسمه سفر

وبسبب هالحالة صرت اخاف اواجه الناس - وماعندي شخصية - ولا أقدر افرض رأيي - وأخاف من ظلي لييييييييييه هذا كله ...؟؟

بسبب أمي من يوم وانا عمري 5 سنوات لـ 11 سنة وهي تضرب فيني بكل الأشياء بأسلاك كهرباء - بمداس وانتم بكرامة - بعقال - تحرق جلدي بالسكين لين أشم ريحة الجلد وهو يحترق - وبعصا - غير الأشياء اللي ترميني فيها بمقص وبحديدة وعلاقة ملابس ووو .... الخ

هذا أول سبب يخليني أكرهها .. غير انها رمتني انا واخواني وعمري كان 11 سنة وراحت وتزوجت واحد مايخاف الله وزاد الطين بله كان يضربني ويطردني من بيتهم وهي كانت تطردني وتسبني وتلعن فيني قدامه عشان تراضيه

الحين الكل يسال ليه زوج امي يكرهني ؟؟ الجواب ( لأنه حاول يغتصبني ) اكثر من مرة ودامت هالحركات 5 - 6 سنوات وكل مااصد عنه واتضارب معه كان يضربني ويأثر على أمي عشان تطردني وفعلا تطردني ومن هذاك الوقت وانا ساكت لأنه كان يهددني بأنه يفعل في اخواني الصغار او يضرب أمي او يطلقها واكثر المرات يضربني والحين وانا في عمري هذا أمي عرفت بالموضوع لكن وش سوت ؟؟ تدرون

ولا شيء ولا شيء و لا ش يء !! ايه ولا شيء رجعت له عادي ولا كانه صار شيء حتى بعد ماقلت لها

أمي باعتني ياناس .. باعت لحمي وحللته لزوجها

- هذا وانا ماحكيتكم عن ابوية اللي كان أحن من أمي علينا أبوي تزوج وعايش حياته ونسانا ايه << هذي تكفي انكم تفهمون انه غسل يده مننا

هذي بس نبذة من قصة حياتي وماخفي كان ألعن

المصدر: نفساني