cute alex

بيانات اضافيه [ + ]

رقم العضوية : 5011  تاريخ التسجيل :  11 2003  أخر زيارة : 26-01-2006 (07:01 PM)  المشاركات : 1,048 [ + ]  التقييم :  10

لوني المفضل : Cadetblue

النسيااااااان .... ارجو مساعدتكم يا اعضاء

بسم الله الرحمن الرحيم


اخواني و اخواتي الاعضاء ...


مشكلتي وا لتي اتمنى ان القى لها حل عندكم ...


النسيااااااااااااااااااااااااااان

كنت اسخر من بعض الناس الذين يقولون نسيت .... لكن الان اعاني منها
و كثيرا

كنت فيما مضى .... ( مشاء الله علي ) اتذكر الشيء و لو حتى بعد قرنين

و هذا اللي خلاني اتفوق في دراستي و الحمد لله

كنت اعتمد على شرح المدرسة في الساعة الدراسية , ولا اهتم للكتاب ,

و الحمد لله

لكن اليوم عرفت ان ذيك الميزة انمسحت بالمرة

اليوم كان امتحان الفيزياء , الحمد لله كنت حافظ القوانين , و الاستنتاجات ...

... و التعاريف .... الخ ....


دخلت الامتحان , و كنت اراجع المعلومات في مخي , وما كنت متوترة ابدا

لكن بس المراقبة عطنتي الورقة تبعت الامتحان , و كتبت اسمي نسيت كل شي

لا تقولون لي تعاريف , و لا قوانين , و لا حتى اسمي ..... نسيت كل شي

كل شيء , اطالع الورقة , كني مثل الاطرش بالزفة , تقول لي

القانون الفلاني اقول لك اياه .... لكن ما اعرف مسماه .......

و الصراااااحة خبصصصصصصصت ... بدعت .... الله يستر



خلوا الامتحان .... ممكن تقولون لي كنت متوترة او ما شابه ... لكني ااكد لكم
ما كنت متوترة , اصلا كنت دارسة عدل الحمد لله ليه اتوتر ....


لكن ما عليه ,

اقول لكم مثال ثاني ....

امي مرة قالت لي اجيب لها شغلة من الطابق الارضي ....

نزلت الطابق , و دخلت المطبخ , و شربت ماي , و سويت لي حليب و شاي
و دخلت المكتب , و صرت اطالع بكتب امي ملوت الجامعة ...... الخ


و يوم صعدت فوق مرة ثانية ... امي قالت لي : تصنعين لي ( الشغلة )

رديت عليها : اي شغلة

قالت لي : انا مو قلت لك تجيبين لي ( الشغلة )

رديت عليها : من انا ..... و بعد فترة استوعبت انها قالت لي ....

و الا الواجب انساه ... ( في حالة المدرسة )

انسى مكان القاعة اللي ندرس فيها ( نظام مقرقرات ( مقررات ))

وااااااااااااايد شغلات انساها ...


كل ما اقول حق امي انا بنسى ... تقول لي : العياب عند الباب . .. و الله ما يطق

بعصا .....


و هذي هي حالتي مع النسيان .... شوفوا لي حل الله يعافيكم


لا تقولون لي ... حطي و رقة و قلم و كتبي ...

جربت هذي الشغلة لكن ما فادت .... نسيت وين حطيت المذكرة ....


و على فكرة .... انا وحدة ما احب الكتابة ... شغلي دايم على الكمبيوتر


و لا تقولون لي حطي مذكراتك على الجهاز ..... لاني حتى في المدرسة انسى

اروح المكتبة تبعت المدرسة بصور اوراق , انسى و اقعد و اتنح عند باب

المكتبة , و اقول انا ليه جاية هنا ... و بعد فترة اتذكر السبب ... صرت

اشخط على ايدي , اقول عشان ما انسى ... لكن لما اشوف التشخط ..اقول

انا ليه شخطت ذي الشخطة ...


و الحل الوحيد اللي مشى معاي لحد الحين ... هو ان ايدي صارت خريطة

و كل من يشوفني ... يقول لي .. ها امبرشمة ... وين انا وين التبرشم



بدأت معاي ذي المشكلة , من بعد ما صار عندي جهاز كمبيوتر , على ما

اعتقد انه السبب , او ممكن اني صرت زي الفار , اكل جبن كثير ....


ما ادري وش السبب , ولا اعرف الحل ....


عطوني حل الله يعافيكم :(

المصدر: نفساني