المشاركة الأصلية كتبت بواسطة باكريمه

سلام عليكم، انا جديده على هذا منتدى بس كنت اتابعه قبل وامس سجلت فيه قرأت كل قصص تقريبا الي موجوده في هذا منتدى وتقريبا بعض أعراض كانت نفس أعراض الي واجهتني ف اسابيع ماضيه والحمدالله انا الحين افضل بكثير من قبل و بعدني في أعراض بس بشكل خفيف الحمدالله ، بقولكم عن الي سويته ،هي الحاله كانت في وسويت بحث عن الأعراضه على طول من جاتني لاني ما كنت اعرف شو هي وكنت افكر بنفس تفكير الي فكرتو فيه الاول مره وكنت ما خذه انها فوبيا من الموت لان كانت بعد نفس الأعراض ما كنت محطيه في بالي انها نوبات هلع ،بكتب لكم بعدين ان شاء الله سالفه بتفصيل بس الحين خلني اخبركم شو الي سويته طبعا كنت اشكي لكذا شخص لاني كنت محتاجه حد يرشدني و يعطيني الافكار الايجابيه ف نصحوني واستفد من هذا شئ وسويت الي خبروني عنه وهي انه اصلي صلاة كلها بوقتها واقرى الرقيه على غرشة ماء وانفخ عليها ثلاث مرات بعد كل الآية او دعاء هذي طريقة أعطتني اياه صديقتي قالت انه فادها وبيفيدني وصدق استفد بس مو من الاول مره لانه كنت احس بضيييق كل ما سويته بس بعدها شديت على عمري شوي وكملته بس احيانا أقرى الرقيه من دون هذي حركة وكل يوم أقرى جزء من القرآن كل ما حسّيت بضيق او شئ و الأذكار مساء وصباح وتحصين بالنفس و اسمع لمحاضرات الشيخ وسيم يوسف و أقرى كتب الايجابيه و ادعي كثير واستغفر و احاول اني اطنش سالفه قد ما اقدر وبعدني مستمره على هذا الاشياء ويستمر لمن اتحسن بكامل باْذن الله بس حسّيت هذي الاشياء استفد منها كثير لحالتي وبعد لمن عرفت انه في كثير نفسي وقرأت قصص عن الأشخاص الي صارت لهم هذي حاله والحمدالله على كل الحال . يوم جاءت لي حاله ما خليت شئ ما فكرت فيه من حسد او مَس او الموت كل شئ بس دوم أكرر في نفسي هذي جمله "الا بذكر الله تطمئن القلوب " و احيانا اقول لنفسي يمكن هذا ابتلاء لان الله يحبني او يمكن لاني غفلت عن هذا شهر شعبان وقرب رمضان ربي يبغى يهديني ويذكرني او انه وسوسه من شيطان يعني جلست احاول أغير افكاري من سلبيه الى الايجابيه قد ما استطعت بس مثل ما قلت بعدني فيها لاني افكر بكذا امر خايفه منه بس احاول اطنش لاني طفشت بس بستمر على الي اسويه ان شاء الله وحاليا كملت شهر تقريبا على هذي حاله بس الاول مره تجي لي بهذي طريقة قبل بس كنت احس ب اكتئاب وحزن وكم يوم بس نفس هذي الأعراض الاول مره والحمدالله على كل الحال .😁