نفساني - عرض مشاركة واحدة

04-06-2015, 04:43 AM

اختي ميمي اهنيك إنك غيرتي مسار حياتك بعد ما قالك إنه متزوج واتجهتي للإلتزام دينيا ، ما راح أقولك إنك أخطأتي لأن كل إنسان معرض للخطأ المهم إن الإنسان ما إيصر على الخطأ . أنا قرأت كل قصتك ، الإنسان هذا برأي حقير وكذاب وما يستاهل إتفكرين فيه لحظه تلاعب بمشاعرك اسنين وسبب لك صدمه نفسيه يمكن انتي اتشوفين حكمي عليه قاسي يمكن إنتي لي الحين امصدقه كلامه يمكن إنتي لي الحين تحملين مشاعر حب له لكن صدقيني الإنسان هذا ما يستاهل دمعه وحده من عيونك . الرجل بطبيعته صياد هذا بضبط اللي سواه معاك يقترب منك وبعدها يبتعد حتى تتعلقي فيه عاطفيا ويسيطر على مشاعرك لأنك أخبرتينا إنك في البدايه ما كنتي إتحبينه بالعكس كنتي تكرهينه ، الرجال يعرفون إن نقطة ضعف المرأه إنها عاطفيه فيدخلون لها من هذا المدخل ، أخبرتينا إنه إذا رجع بلده إنشغل عنك إنا اعتقد إنه كان ينشغل مع زوجته ، الآن أخبرك إن طلق زوجته وصدقتيه ! صدقيني لو فعلا مطلق زوجته وتقدم لك وتزوجتيه ممكن ما ترتاحين معاه لأنه ممكن يستمر بإسلوب الكذب . انصحك تبتعدين عن هذا الإنسان وتنتظرين ابن الحلال .