نفساني - عرض مشاركة واحدة

05-06-2015, 09:33 AM

خلاص انا انتهيت

السلام عليكم
مبدئيا انا بعتذر اذا كان الكلام ده هي ضيق حد وعرف والله ان انتو مش ناقصين بس انا والله تعبانة و مش لاقية حد احكيله
انا كنت ببحث عن علاج للوسواس وبعدين لاقي ناس كاتبة عن أن الإنسان بحس باجله قبل أربعين يوم وان فيه شجرة عند ربنا لو سقط منها ورقة بيها اسم الشخص ده هي موت بعدها بأربعين يوم وهو بحس بده وكمان جايين قصص تثبت ده
والله انا قلبي كان هيقف لاني ق بت أكمل الأربعين يوم
بجد الله لا يسامحهم الله وحده اللي يعلم انا عانيت قد ايه علشان أقنع نفسي بس أن ده وسواس دلوقتي بقيت متأكده مليون في المية أن ده حقيقي كمان الأعراض اللي كانو بيتكلموا عليها معظمها بتطبق عليا
بجد والله تعبت انا امتحاني معدل عليه إلا يوم واحد بس وانا متأكدة اني مش هحضره
والله الإحساس بقي قوي مش عارفة انا ليه بيحصل معايا كده ومش عارفة انا المفروض اعمل ايه
يعني انا دلوقتي كل اللي بعمله اني حاجة أيدي علي خدي وبعيط وبستني الموت وما شاء الله اخوي وكل زميلي شديد حيلهم وده بيفكر انا هبقي كذا وكذا عندهم أمل انا بقي كلمة بكره دي احذف م القاموس معدل عندي أمل في أي حاجة بجد تعبت تعبتتتتتتت اوي حتي انا بحاول أقنع نفسي أن الكلام ده مش بجد وان محدش عارف انه هيموت امتي بس بفتكر القصص دي وأقول ازاي هم كانو حاسين وحتي كمان بقول أن ده لو وسواس ممكن فعلا يكون عمرك قصير ممكن فعلا تموت النهارده والله شويه وهتجنن
ارجوكم طمنوني قولولي اعمل ايه

المصدر: نفساني