المشاركة الأصلية كتبت بواسطة محتري الفرحه

السلام عليكم
اخواني انا عندي اكتئاب وقلق بدايته كان شديد جدآ ومن 3 سنوات اصبح متوسط طبعآ انا صار لي مكتئب من 8 سنوات بعد انهيار سوق الاسهم وطبعآ مريت بضروف صعبه بعد انهيار الاسهم بس مالها على في السوق في البدايه استخدمت علاج نفسي لمدة 8 شهور اسمه سبرلاكس تحسنت عليه بشكل معقول نوعآ ما وبعدها استخدمت علاج اسمه سليباكس لمدة 9 شهور وما غير فيني شي ابد وبعدها سيروكسات لفتره بسيطه يمكن 3 شهور وهذا افشل علاج جربته نفخني 15 كيلو و دايم احس بخمول و نايم والآن صار لي كذا سنه ما استخدم علاج نفسي ومازلت اعاني من الاكتئاب والقلق لكن اليوم صار شي جديد ازعجني كثير ،،، اليوم كنت في بيت ناس خاطب منهم وكنت مع اخو البنت علشان الشوفه الشرعيه وكنت اشعر بخوف وقلبي يضرب بسرعه واحس بحراره في صدري وضعف في التركيز وبعد مادخلت البنت و امها زادت دقات قلبي بشكل قوي جدآ ونشف ريقي ابي ريق ابلعه مافيه ابد والتركيز عندي ضعف مره لكن تمالكت نفسي وتكلمت بشكل طبيعي وتكلمت البنت ومالاحظوا علي شي وبعد ماطلعت من بيتهم حسيتي ان نفسيتي تحطمت وشلون تجيني هالاعراض انا مو في حرب ولا مقبل على الموت علشان احس بهالاعراض طبعآ قريت عن الاعراض عن الموضوع طلع على ما اعتقد رهاب اجتماعي او قلق زايد والله مدري ،،، المهم اخواني ياليت تساعدوني في حل هالموضوع انا قريت ان علاج اسمه لوسترال او زولفت ممتاز للكتئاب وللقلق والرهاب ،،


ياليت تعطوني نصايحكم الله يجزاكم خير ويرحمم والديكم ولا يحرمكم الاجر


انا زواجي في ثاني ايام عيد الفطر اذا الله كتب ،،، وللمعلوميه البنت و اهلها يدرون اني مصاب بالاكتئاب والقلق وموافقين