نفساني - عرض مشاركة واحدة - انا مريض عضوي ولا نفسي / ارجوا من المختصين الدخول

01-07-2015, 10:37 PM

اقتباس:

المشاركة الأصلية كتبت بواسطة محمد الـ

السلام عليكم ورحمة الله وبركاته

اخواني واخواتي بعد التحية
انا راح ادخل بالموضوع على طول...

أنا قبل اكثر من 4 اشهر جاني ارتفاع بالضغط بالعمل ودخلوني عنايه مركزه لأن بعد ماعطوني ابرة حقت الضغط فجأه جاني تسارع بالقلب وقالو ان السبب قلق وتوتر سوولي تحليل وتخطيط قلب وايكو كله سليم الحمدلله

الثانيه كانت قبل رمضان بإسبوعين تسارع بنبضات القلب وقالو نقص بوتاسيوم من كثر الإسهال الله يكرمكم والسبب قلق وتوتر سوولي تحليل وتخطيط قلب وايكو

انا بعدها وسوست وقلت اكيد فيني شي طبعاً عطوني دوا كونكور 5 مجم حق القلب ينضم النبض وبعدها بشهر خفض الجرعه الى 2,5 المهم انا صار بعدها يجيني نغز بالقلب وزي كذا واتعب لما امشي وحتى شغلي تركته طبعاً صرت اخاف اروح العمل

المهم بعد ماتركت العمل انا بعدها صار معي موضوع جديد وهو الدوخه المستمره كانت بدايتها اول ما اصحا من النوم وبعدها صارت طول الوقت
رحت مستشفى حكومي وقلت هذول هم الأفضل بإذن الله وسوولي تحليل دم وتخطيط قلب وايكو قالولي الحمدلله ماشاء الله تبارك الله القلب زي الفل بس برضوا عشان نتأكد راح نركبلك هولتر والموعد القادم حق الهولتر باقيله اسبوع ونص تقريباُ وانا الحين صارلي مع الدوخه وعدم التوازن اكثر من 20 يوم وزاد الموضوع بحيث صرت ماقدر امشي طبعاً الحين زاد اكثر اني احس بثقل الجهة اليسرى مع اني لما رحت المستشفى كنت احس بثقل بنصف الصدر واليد بعد لكن الحين لا على يسار الصدر واليد والحين زاد اكثر بحيث لو اني جيت امشي بس مسافه بسيطه احس بدوخه اكثر واحس بالثقل بصدر واليد ومدري هي وسوسه ولا وش لأن انا قرأت ان هالأعراض تصيب اللي عندهم امراض قلب
كلمت اليوم دكتور القلب اللي كنت اراجع معه قلتله انا ترا احس بكذا وكذا قالي عادي هذا تأثير الأدويه النفسيه قلتله لا بس انا ما اخذ اي علاج نفسي ومارحت طبيب نفسي لسه قالي لاتخاف مافيك شي ولازم تزور طبيب نفسي قلتله ترا سوولي تخطيط وايكو قبل اسبوع قالو مافيك شي قالي ايوه مافيك شي ان شاء الله وبس زي ماقلتلك زور طبيب نفسي ....

هل الدوخه والثقل مرض نفسي ولا وشو يرحم والديكم قولولي لأن انا من جد تعبت نفسياً بسبب هالموضوع لأن حتى بالبيت اهلي اقتنعو ان اي الم احس فيه نفسي !!!
ابي احد يقنعني بشي انا ماقد قرأت او سمعت ان مثل اعراضي ممكن تكون نفسيه

ولحد يكتب اشياء توسوس فيني وتخرعنا ترا موب ناقصن قسم بالله
اتمنى محد يرد الا الفاهم والمختص فقط رجااااااااءً ياجماعة الخير

اخوكم ابو تركي ؛ انا طبعاًُ موب متزوج بس احب هاللقب

تقريباً أنا نفس حالتك أخي ابو تركي ، أنا كنت أحس بدوخه وسويت تحاليل شامله وقالوا لي سليم مآشآءآلله ، آستغربت أجل الدوخه من آيش ! وبعدهآ قلت بشوف دكتور نفسي وعلمته أن الدوخه أزعجتني دام أن تحاليلي سليمه وقال هذا من القلق والتوتر ، وصرف لي دوائين ' المهم إني أكلته وحسيت بتعب وجاني هبوط ' الله يكرمكم استفرغت ومن بعد الاستفراغ جاني ضربات بالقلب سريعه وقويه ،ورعشه بجسمي وأخذوني اخواني بالمستشفى وعلى الطواريء ، قال الدكتور لآزم ندخله العنآيه المركزه لأن ضرباته واصله 166 ضربه بالدقيقه ، وقتها حسيت إني خلآص بودع الحياه !! ودخلوني العناية وتحت العلاج 24 سآعه لين رجعت ضربات قلبي طبيعيه وبعد التحاليل قالوا انت سليم ومافيك شيء والعلاج اللي أكلته مايناسبك لا ترجع له ثاني ، وصرفوا لي دواء كونكور نصف حبه باليوم وقال لي دكتور القلب قلبك سليم ميه بالميه لكن العلاج النفسي سبب لك عارض وجاب لك هالخفقان ولازم تمشي فتره معينه على الكونكور وتتركه بعدين ، استخدمته لـ مدة شهر وارتحت عليه بصرآحه ولما أتركه يرجع لي الخفقان ، آخر شيء رحت لـ استشاري قلب وكشف على قلبي أيكو وتحليل وأشاعة صدر وقال ادخل نادي رياضي مآشآءآلله قلبك زي الورده ، قلت طيب والخفقان ؟ قال هذا عارض ومع الوقت يروح خصوصاً لما تنساه وتتجاهله ، وقال بصرف لك أندرال 10ملجم حبه صباح وحبه مساء هذا الشهر الأول والشهر الثاني تخفف الجرعه لـ حبه الصباح ثم توقف العلاج ، وطبقت الطريقه بالتمام وخلصه الشهر الأول والحين أنا بالشهر الثاني لكن الخفقان أحس فيه أحياناً لما خففت الجرعه ، وباقي لي كم يوم وتخلص المدة اللي طلبها مني الدكتور . . يعني يَ ابو تركي أنا نفس حالتك وكثير يقولي يَ بطل والله مَ فيك إلا آلعافيه ' دام إني أحس بدوخه وخفقان من بعد علاج الدكتور النفسي الله يهديه ، نسيت لـ أقول شيء مُهم أنا قبل أروح للدكتور النفسي كنت أحس بالدوخه ومعها عدم اتزان بالمشي وثقل بالرأس . . هذي أعراض نفسيه ميه بالميه لكن الدواء النفسي اللي أكلته كان ماينآسبني لأنه قوي شوي . . آسف على الإطاله بس حبيت أوضح لكم قصتي دام إني مختصر بعض الأمور ههههههههه ، وأخيراً للآن الدوخه معآي والخفقان يجيني من وقت لـ آخر لكن مو قوي مثل أول ' والحمدلله على كل حال . . أخوكم / أقوى من آلهلع