المشاركة الأصلية كتبت بواسطة مستكفّة

يا بت انتي شويه تقولي انا مش عايزة الواقع مش عايزة اعيشه و شويه تقولي انا مش عايزة الخيال خالص
انتي مش فاهمه انتي عايزه ايه بالضبط ودا هو سبب تذبذب نفسيتك
عمره الهروب ما حينفع واجهي الحياة بقلب جامد اجمدي وقولي يارب و جاهدي في دنيتك عشان تعيشي يا أميرة
بكره اطفالك حيحتاجوك مصحصحة معاهم و واعية لهم تمام كفاية هروب و على فكرة انا اقتبست الرد دا
لأنه دليل على انك بكامل قواك العقلية بتحللي نفسيتك تمام و فاهمة انتي بتعملي ايه خلاص سكي على كل دا
ولا تركزي و تدققي على كل حاجة بتحصل ليكي انتي محتاجة حاجة تشغلك عن نفسك و الوسوسة اللي لا تودي ولا تجيب
انا لو عايشة بمنطقتك اللي عايشة فيها كان انشغلت بمليون حاجة و حألقى زحمة بحياتي تنسيني نفسي
شوفي اقرب نادي في الحي و اشتركي فيه اركبي لو صاحية الصبح الباص اللي بيودي على المتاحف كل يوم مكان
و احضري جلسات الدين اللي بعد التراويح و اخرجي كل يوم امشي على الكورنيش لا ترجعي البيت الا وانتي مقطوع نفسك
انتي محتاجة حد يزؤك لقدام بس انتي تسمعي الكلام حتكسبي لو عايزة تهربي من الواقع مش بالخيال اللي ما منه فايدة
لكن بمزاجك انتي و بكامل قواك العقلية جربي اعملي بنصيحتي لك و كفاية ضياع ..