المشاركة الأصلية كتبت بواسطة للصبر اخر

الله يبارك فيك اللهم امين وعقبالك يارب

الحمدلله ربنا اعطانا على قد نياتنا

بالنسبة لسير معاملتي كان كالتالي:

بدأت بمعروض قدمنا انا وابو زوجتي لسمو الامير خالد الفيصل اول مارجع استلم امارة مكة

جلست اسبوعين تقريبا انتظر تحويل المعاملة الى محافظة جدة

جلست في المحافظة تقريبا كمان اسبوع وبعد كدا راحت الشرطة

رحنا الشرطة اخذنا الطلبات واخذت اسبوع تقريبا لحد ماجهزت الطلبات كلها وسلمناها للشرطة

الشرطة اعطونا موعد لصدور المعاملة بعد شهر ونص بس الحمدلله تقريبا اخذنا شهر وتحولت المعاملة مرة ثانية الى المحافظة

جلست المعاملة في المحافظة جدة تقريبا ٣ ايام وبعد كدا راحت على طول على الامارة

جلست المعاملة في الامارة تقريبا ٣ اسابيع وبعد كدا تحولت المعاملة الى المحكمة

المعاملة على ماوصلت وتسجلت في المحكمة واخذت الموعد جلست تقريبا من ١٠ الى ١٢ يوم

بعد كدا رحت يوم الاحد الاسبوع بتاريخ ١١رمضان اللي فات اخذت الموعد على الاحد هذا الاسبوع اللي هوا تاريخ ١٨ رمضان

والحمدلله امس ١٨ رمضان رحت المحكمة وجلسنا ٤ ساعات لحد مادخلنا على القاضي وسوينا العقد وخرجنا

هذا موجز مختصر لسير المعاملة من بدايتها لنهايتها

واقول مرة ثانية وثالثة وعاشرة اللي عنده معاملة زواج لا يتردد في الدخول على سمو الامير خالد الفيصل لانه جدا متعاون في الامور هذي

وربنا يسهل للجميع ويوفق اللي عقدوا ويتمم لهم على خير ويسهل للي ينتظروا مواعيدهم ومعاملاتهم يارب

تحياتي للجميع