صالح عبدالرحمن

بيانات اضافيه [ + ]

رقم العضوية : 51231  تاريخ التسجيل :  07 2015  أخر زيارة : 08-08-2015 (01:49 AM)  المشاركات : 6 [ + ]  التقييم :  10

لوني المفضل : Cadetblue

السلام عليكم ورحمة الله وبركاته

حياكم الله جميعاً. انا جديد بينكم واللي جذبني وخلاني اسجل بالمنتدي
هو اني اشوف ماشاء الله الاغلبيه توفقوا وجاهم امر بالموافقه على زواجهم
وماشاء الله عسى ربي يوفقهم ويهنيهم ويجمع بينهم بخير. والاكيد انهم مروا بتجربه طويله
مثل ماانا للحين ماانتهيت تجربتي ولافرحت بالموافقه طوال السنه وسبع شهور الماضيه.

انا مواطن سعودي تقدمت لخطبة مقيمه موظفه بإحدى الشركات وتحت كفاله الشركه
مرت الايام والشهور وسافرت لدولتها وخطبتها رسمي من اهلها وكانو جميعهم خلوقين ومحترمين ولله الحمد.
وكانوا مبسوطين في زيارتي لهم. وبعد اسبوعين وقبل ارجع للسعوديه تزوجنا بوجود اهلها بينها (طبعا بدون تصريح ولا تأشيره زواج)
وبعد مارجعت للسعوديه ساألت احد الزملاء الذي تزوج من مقيمه عن كيفية اجراءات الموافقه. وقالي اني اخذت الموافقه بشهر واحد !!
خصوصاً انها عربيه ومقيمه مع والديها.
رحت لإماره الدمام وقدمت اوراقي كامله. من تعريف بالراتب لي ولها وصوره من بطاقتي الشخصيه وصوره من اقامتها وجوازها وخطاب موجه الى امير المنطقه الشرقيه. وبعد ماقدمتهم بإسبوع. حولوني على الاحوال وطبعت برنت وحولوني على المستشفى وسوينا التحاليل. ولله الحمد سليمه ومتطابقين
وبعدها انتظرت شهر ونصف وسافرت للدمام ورحت للاماره وصدموني بالرفض عشان عمري اقل من 30 سنه
وقدمت بعدها 4 مرات على وزارة الداخليه ويحولونها للاماره ونسوي نفس الاجراءات السابقه من تحاليل وتعريف واوراق والخ... ويصدموني بالرفض مع العلم ان الرفض عشان العمر وانا عمري 28 سنه وجميع الشروط تنطبق فيني. موظف قطاع خاص وراتبي اقل من 5 الاف. ولم يسبق لي الزواج
والله تعبوني من كثر مااسافر للدمام وللرياض عشان اتابع معاملتي واكمل الناقص لهم. مع العلم ان زوجتي ولله الحمد دائماً متفائله ودتيم تريحني لما اشتكي من الرفض ولله الحمد علاقتها بأهلي جميله جداً. تتواصل معهم وصايره اقرب مني لخواتي.
انا ياجماعة الخير تعبت من كثر المماطل اللي ماجاب نتيجه والتفاؤل اللي انقتل بقلبي وفكري.
ابي اذا تعرفون طريقه غير اللي اسويها او تعرفون احد مضمون يضبط اموري ويجيب الموافقه وياخذ اتعابه. انا مستعد بس اهم شي اجتمع انا وزوجتي ببيت واحد.

عذراً على الاطاله. بس والله من الهم اللي فيني وبعد المسافه عن زوجتي اللي مااشوفها الا بالشهر مره ويومين بس.