المشاركة الأصلية كتبت بواسطة ولاء مبتعثه

اهلًا ساره ، بالنسبه لوضعي انا ادرس في كندا و كذلك زوجي علشان كده لما جت الموافقه تركتها تاخد مسارها الطبيعي و تروح للسفارة و كتبنا العقد و تزوجنا في الخارج ، بالنسبه لحفل الزفاف عملناه في السعوديه و كان سهل نجيب فيزا زائر زوج مواطنه من السفارة بس اخدت يومين و اعطونا هيا.
علشان عقد الزواج في السعوديه ، قرأت مشاركه لأحد الآخوات في موقع تاني وكانت موافقتها صدرت وارسلت لبلدها و لكن هيا كانت متواجدة في السعوديه و علشان تعقد هنا طلبوا منها تقدم طلب عن طريق الخارجيه .

الأخت لحظه معاها الإيميل الخاص بي ، فبعد إذنها طبعا ماعندي اي مانع توصلك إياه .

وبالتوفيق

المشاركة الأصلية كتبت بواسطة ولاء مبتعثه

بالنسبه ايش بعد الخارجيه تتحول أوراقكم للسفارة و عاده تاخد أسبوعين ، انا اتصلت على السفارة و تأكدت انها وصلت لهم ورحت لهم تاني يوم
هناك أعطوني ورقه فيها الأوراق اللي لازم أوفرها زي شهاده الميلاد و الإثباتات زي جواز السفر و التحاليل ( الأمراض المعديه زي التهاب الكبد الوبائي بي وسي و مرض الإيدز و السيفليس ) لم يطلبوا الأمراض الوراثية بس انا عملتها احتياط . و تقرير طبي من طبيب معتمد
وطبعا اهم شئ هو عقد الزواج تجيبي كل الأوراق دي و تعطيها لهم في السفارة علشان يسجلوا لك الزواج و يطلعوا فيزا متعددة الدخول لزوجك
اهم نقطه الأوراق كلها لازم تصدق من قبل الدوله اللي انتوا فيها
بالنسبه لتسجيل الزواج في السعوديه لِسَّه ما وصلت لدي المرحلة .

بس هنا السفارة تتعامل مع مكتب فيزا يقدم خدمات التصديق و تتبعي هذه المعاملات مع السفارة وان شاءالله اول ما يوصل العقد نبتدئ الخطوات دي .


تحياتي

المشاركة الأصلية كتبت بواسطة حكايه

ماشالله ماشالله
الف مبروك لكل الي جاتهم الموافقه ومبروك للي عقدو
اخ ديدو وهندسه وللصبر اخر ويارب يسر امري و ولاء مبتعثه واخ تركي القيسي واو جيم ماشالله وعقبال الدفعه الجايه يارب
ساره محمد
قريبا راح تبشرينا بالموافقه والعقد الله ينول لك مرادك ياروحي ويعطيكي بعد صبرك وتحملك
يارب يسهل لك كل امورك ويسعد قلبك عاجلا غير اجل
كيفكم يابنات لكم وحشات قد الدنيا ايش اخباركم مع تجهيزات الفرح
عاد بعد الفرح ههههه الله يعين الي تحمل وتبدء برحله الوحام
لحظه
كيفك يالغلا والله وحشتيني وسامحيني ليا زمان ما دخلت لظروفي الحاليه
طمنيني عنك

المشاركة الأصلية كتبت بواسطة لحظه تفائل

على البركه اخوي ديدو ان شاء الله تبشرنا قريبوعادي مافيه داعي للاعتذار عارفه انكم مشغولين
ايوه خلااص قدمنا ووصلت المعامله للشرطه بس نراجع الشرطه ناخذ الطلبات ان شاء الله وربي يعين علي المشوار

والله ماعرف عن اماره الشرقيه ان شاء الله تجي رسيل تفيدك او اي احد تاني

اذا تقدر تعمل تحليل بمستشفى حكومي عادي اعطيهم وقول لهم هذا تحليل البنت سليم ووريهم النسبه وان شاء الله مستشفى الولاده يعيدوه لكم ويعطونكم التحليل سليم
لان كذا صار لوحده اعرفها خطيبها معاه نفس مرض خطيبتك اهم شي النسبه اخوي اذا اوكي فيقبلو يعيدوها ان شاء الله

على البركه اخوي ان شاء الله تساهيل الباقي ويارب مايدققو ويتغاضو عن الجواز ياارب

صك القرابه من المحكمه تطلعوه واعتقد انهم يطلبو خطاب من الجهه اللي تبغى الصك

ماعرف والله ليش راحت الجوازات REGVG
بس اعتقد انه مر علي عضو معاملته راحت للجوازات بس نسيت ليش

ايوه كذا احسن لان التصحيح له شروط غير عن التصريح

ايوه عندي الايميل خلاص دام ماعندك مانع راح ارسله لسارونه