نفساني - عرض مشاركة واحدة

01-08-2015, 01:15 AM

السلام عليكم ورحمة الله وبركاته

قصتي من سنتين صارت مشكلة بيني وبين زوجتي وكنت عصبي وصارخت
وبعدها طلعت من البيت وانا زعلان وكان وقتها بالشتاء

وطلعت من البيت ومدري وين اروح وغسلت السيارة وانا جالس انتظر السيارة تخلص جاني تنميل برجلي اليسار
وتركته قلت من الجلسة
خلصت السيارة ركبتها ومشيت
ووانا بالطريق زاد التنميل إلى يدي اليسار
وبدون مقدمات جتني دوخة وقلت هذي الجلطة
وصرت اسوق بسرعة ابي اروح للمستشفى وكنت خايف مرة
وكنت ماني عارف ايش اسوي وافكر اوقف السيارة واطيح بالشارع على شان الناس يشوفوني ويودوني للمستشفى

المهم وصلت للطوارئ ودخلت عليهم وقبت انا جالس اموت ساعدوني
وماكنت قادر انام على السرير احس اختنق واحس بيغمى علي واموت

سويت تخطيط مخ وقلب
وجات دكتورة وحطت اصابعها داخل ايدي قالت اضغط بقوة وضغطت وصرخت
وقالت ارفع ايدك فوق وابي انزلها لتحت وانت امنعني ومنعتها

قالت مافيك شي
وانا عندهم حسيت بلوعة واكرمكم الله رجعت شي بسيط وحسيت ارتحت ومافيني شي

وبعدها بدت معاناتي طول السنتين
كل يوم اعراضي هي

1- ضيق تنفس
2- احس شي بحلقي واقف
3-كتمة
4-دوخة ودوار دون اغماء
5- تنميل كامل الجسم واحس مو قادر اقفل اصابعي
6- خوف من الموت والامراض الخطيرة والاورام دايم
7- الم تحت الصدر وفوق المعدة ويمتد للظهر
8- نظرة سوداوية واحس بموت
9- عصبية ومزاج متقلب
10- الشعور بالا واقعية وكأن على راسي قدر
11- غازات فضيعة تضغط على قلبي وصدري وظهري غازات محشورة
11- خوف من النوم وإذا حسيت اني بنام اصحصح اخاف انام واموت بعدها
12- مكتئب اوقات استغرب من الناس واقول شلون مبسوطين وكيف لهم نفس ياكلون ويضحكون وبعدها بنموت ؟

اوقات اذا جتني الحالة احس ابي اطلع اركض واهرب من اللي انا فيه

اقول في نفسي هذي اعراض الهلع وإذا راحت الاعراض اضحك واقول إذا رجعت الاعراض ابي اصبر نفسي
مجرد انها تجيني الاعراض تذبحني وما اقدر اسيطر عليها ابد

استخدمت سيركسات وسبرالكس وقماتين وعلاج اسمه تقريبا سنيتافيا
وسببت لي ضعف جنسي وتركتهم كلهم

رحت للدكتور بمستشفى الحبيب د محمد جلي
وسوى تحليل للغدة وسليمة
وسوى لي اشاعة للبطن وقال عندك غازات

واعطاني بس ميفوكول للغازات

اليوم بعد ماطلعت من صلاة الجمعة حسيت بشي فضيع دوخة وتنميل وخوف من الموت واحس ان اذاني شبه مقفولة

هل هذا يعني انني اعاني من التهاب الاذن الوسطى؟

انا شخص مدخن
عمري 34

افيدوني جزاكم الله خير

ردوا علي الله يشافي جميع مرضى المسلمين

المصدر: نفساني