نفساني - عرض مشاركة واحدة - زواج السعوديه من غير السعودي ( الأجنبي ).

02-08-2015, 12:05 AM

اقتباس:

المشاركة الأصلية كتبت بواسطة هيندا

مرحبا سارة.. انا دحين بستنى التحاليل تطلع عشان اخلص من الشرطة من رمضان الين دحين مأخرينا ... كنت بسأل انا معاملتي ماراحت على شي اسمه محافظة على طول كان من مديرية الشرطة الى الشرطة وفي الشرطة طلبوا انثنين شهود على انو على ورقة لم يسبق لي الزواج وحسن السيرة ... فهل راح يطلبوا شهود مرة ثانيه بعد الشرطة وعلى ايش يشهدوا؟ وليش تأخد شهر بالشرطة دام انو الطلبات هتكون كامله مره المدة طويلة ؟ سارة هل انتي من المدينة ..
تحياتي

لا تخافي حبيبتي هي تختلف طريقة الاجراءات شوي من منطقة لاخرى
انا من جده
ان شاء الله الي مقدمين من المدينة يفيدوك
انا بالنسبة ليا قدمت معاملتي اصلا من الداخلية وجلست شهرين ثم راحت امارة منطقة مكة المكرمة وما طولت عندهم جلست تقريبا اسبوع ثم حولوها لشرطة جده
في الشرطة طولت وطلبوا مني تحاليل ومشهد عمدة وبرنت احوال
جلست في الشرطة شهرين بس قولي شهر ونص لاني تاخرت في تسليم المتطلبات
ثم ارسلتها الشرطة لمحافظة جده، الامارة والمحافظة تقريبا شي واحد
وفي المحافظة طلبوا اثنين شهود وبعد من انتهينا باسبوعين تقريبا حولوها للداخلية الحمدلله

كتبت لك تجربتي عشان تستفيدي من سيرها في محافظة جده بس لا تخافي ابدا ابدا
مو شرط معاملتك تاخذ هالمدة ولا تمشي بنفس طريقة معاملتي
انا تاخرت في تسليم الاوراق للشرطة وفي موعد الشهود، وكمان فكرة اني قدمت من الداخلية ممكن طولت علي المعاملة

اقتباس:

المشاركة الأصلية كتبت بواسطة عهود احمد

السلام عليكم
انا فتاه سعوديه الجنسيه مشكلتي الوحيده هيا التحاليل خطيبي يماني عندو انيميا فوليه وجدت واسطه بمركز التحليل ولاكن علمت بانه تم ارسال نسخه عن طريق النت واما الاوراق الاصليه موجوده بمكتب المدير للان لااعلم هل يمكنني اعاده التحليل ام انه سوف يرسل تحليلي الاصليه للاماكن المطلوبه ,,

اريد ان اعمل استثاء ولااعلم الطريقه ولا اين اذهب وهل يشترط وجود ولي امري

امانه الي يعرف يرد عليا

انتي من اي منطقة؟
لو من جده انتي تروحي تاخذي نتيجة التحليل وتسلميها، فلو عندك واسطة حيعطيك ورقة بتحاليل سليمة او يكتب عليها شي زي ما سمعت من البعض
بالنسبة لاعادة التحاليل تقدري تعيديها لانه انا حللت مرتين تقريبا
بس سبب اعادتي للتحاليل انتهاء صلاحيتها
وبرضه احنا في جده ناخذ ورقة من الشرطة ونروح بهالورقة لمركز ما قبل الزواج ونحلل، بدون هالورقة ما يرضوا يعملوا تحاليل
ويطلع عندهم في السستم اني حللت قبل واش النتيجة

الي قدموا استثناء ان شاء الله يفيدوك وطريقته سهلة ان شاء الله بس قبوله الله اعلم
هو عبارة عن خطاب ترسليه لجهة معينة

بس بما انه في احد يقدر يساعدك بخصوص التحاليل، اساليه كيف ممكن تسوي هل لو عدتوا التحاليل وطلع لكم النتيجة سليمة ما حيكون شي غريب؟ او ما حيسوولكم مشكلة؟ لانه الاولى اكيد حتظهر في السستم
لو ما فيها مشاكل، عيدي التحاليل وخلاص افضل من الاستثناء
او هل يقدر يغير نتيجة التحليل ويطلع لكم نتيجة سليمة ولا خلاص ما عاد ينفع يتصرف فيها؟

ربي يعينك حسيت حتى انا احترت بس ان شاء الله سهالات ربنا ما يترك عباده
وان شاء الله الي عنده فكرة يفيدك