رحت على رجولي مشي ب عز الظهر للمستشفى وكان المستشفى بعيد جداً جداً
تفاجئت من الطبيب أشياء اصدمتني جداً !
ان والدي بالمستشفى له اسبوعين ومحد قال لنا فيهم
وكانوا يقفلون بوجهنا بالتليفون !!!!
وكذلك أفادني الطبيب إن محد فيهم لا اخوان أبوي ولا عيالهم ولا أخواته يزورونه بالمستشفى !!
قعدت مع أبوي وأنا مصدوم من كل شيئ
ماعندي سيارة + ماعندي فلوس + صغر سني + ماعندي جوال
قلت ياربي كيف أساعد أبوي واروح للشؤون الصحية ومدير المستشفى وماخليت أحد تحركوا سووا شيئ .. إلخ
واجري للبيت على رجولي وامسك اللاب وماخليت شخصيات وأمراء ورجال أعمال الا ارسلتهم حالة أبوي
رسلت برقيات كاملة والكمال لله سبحانه حتى جبت قبولين لوالدي من أقوى مستشفيات ألمانيا وارسلتها عبر الهاتف والبريد للملك لولي العهد لولي ولي العهد وغيرهم من كباء الأمراء
كلمت ناس عبر تويتر وغيره
واتوتر وارجع للمستشفى اطل على ابوي مشي
( محد واقف معي أو مع أبوي )
واجلس مع أبوي وأنا متوتر مين يرد ع الناس اللي كلمتهم ؟
طيب وش ردهم ؟
وأجلس أوسوس وماخليت مبنى بالمستشفى إلا كلمتهم
وارجع للبيت اشوف ردود الناس
حالتي حالة باختصار
مدير المستشفى قال لي اخوان ابوك محد فيهم جاني او كلمني ع الهاتف انت لحالك قايم بأمور ابوك وينهم اعمامك !
أنا قلت له يحاسبهم الله
تفاجئت إن بالمستشفى زوج عمتي وصدمني أكثر إنه ماسوا أي شيئ بخصوص موضوع أبوي نهائياً ولا أعار أي اهتمام وعلى كلام الطبيب إنه يدري إن أبوي بالمستشفى !
كانت جدتي هي الوحيدة اللي تجي لأبوي بالمستشفى وصدمتني بكلمة للآن ترن بأذني
قالت لي أنا أجي لأبوك عشان الناس ماتقولي انك ماقمتي وماسويتي شيئ !
< يا ناس اسالكم بالله في انسان عاقل يقول كلام زي كذا ؟
هذا ولدك ! فلذة كبدك ! والواحد لا سوى شيئ يسويه لله
اعوذ بالله من كلامها
عموماً اكمل لكم
مرة من المرات وانا بالمستشفى جات عمتي اللي ولدها مسوي نفسه مطوع ولدها نزلها المستشفى ومانزل هو يشوف خاله ويسلم عليه !!
وعمتي درت اني بالغرفة ومن ورا الستارة قالت لجدتي هذي اغراض لك انا ماشية ومشت بدون ماتسلم علي او ع ابوي ؟؟؟؟؟؟؟؟؟؟!!!!!!!!!!!

ثم نقل والدي لمستشفى أفضل بفضل الله ثم بجهودي رغم إمكانياتي الضعيفة جداً
ولكن استشهد وفارق الحياة رحمه الله رحمة واسعة واسكنه الفردوس الأعلى من الجنة بلا حساب وجعله في منزلة الصديقين والشهداء بحسن تربيته لنا وبصبره على أذى أقرب الناس له وبأخلاقه العالية والنبيلة واجتهاده بالعبادة اللهم آمين يارب العالمين يا سميع يا مجيب يا رحمن يارحيم
تخيلوا يا ناس انشروا شائعة جديدة للناس أهل أبوي إني ما أزور أبوي بالمستشفى ؟؟؟؟ وإني مهمل أبوي ؟؟؟؟
وإنهم سووا كل شيئ وأبوي بالمستشفى ؟؟؟؟؟
وفي يوم العزاء الأول جدتي وعماتي امام الناس سبوا اخواتي واخواتي مكسورات وحزينات جدا على فراق ركن وعامود البيت والدهم الحبيب واغمى على اخواتي بوسط الناس بالعزاء وهم بلا انسانية وسوء خلق يكملون سب وشتم !
أنا كنت بالعزاء أبكي ومكسور وحاس ب دوخه وقهر شديد داخلي لإهمالهم لوالدي الشديد الذي تسبب في وفاته واستشهاده
قلت لعمي انتم السبب في موته لاهمالكم له عمي فضح نفسه
قال كنت ازور ابوك وكان فيه دكتورة سعودية
قلت له لا كذاب الإستشاري فلان فلان هو المشرف ع حالة والدي والأخصائي فلان فلان مافيه دكتورة ! < سكت
نسيت اقولكم يوم كان ابوي عندهم تاركين أبوي 25 يوم كاملة بدون اكل وشراب !!! وباعتراف جدتي !! جدتي قالت بلسانها كذا !! هاه وش رايكم ؟؟؟؟
بعد 25 يوم كاملة بدون طعام او ماء ويوم طاح ودوه للمستشفى يعني بالنهاية والله اعلم انها عملية مقصودة
طيب عندك سواق كان خليتي السواق بأول يوم لابوي بدون اكل يوديه المستشفى ؟!
طيب كان خليتي أحد من أعمامي اللي عندهم فلوس وسيارات وساكنين بنفس البيت وعندكم يودون ابوي المستشفى ؟!
طيب كان خليتي احد من عيال عمي او عمتي يودون ابوي للمستشفى ؟!
طيب كان جبتيله دكتور وممرضة لحده بالبيت وماتكلف العملية !!
[ طيب كان دقيتي عليّ وعلمتيني انا اتصرف انا ولده علميني طيب وانا اتصرف ] !!
[ طيب ردي على اتصالاتي اقل درجات الإيمان مو تقفلين بوجهي وأبوي بحالة خطرة ] !!

اذكر مرة من المرات كان ابوي عندهم وجبت له دكتور وممرضة رحت انا بنفسي للدكتور وشرحت له حالة ابوي وان ماعندي فلوس وانا طالب واوعدك اجيبها لك ي دكتور بس تعال شوف ابوي الطبيب ذكرني بالطبيب المسلم الرازي كان طبيب وانسان ويهتم بذوي الدخل المحدود
عموماً الطبيب وافق يروح معي ومع ممرضة وببلاش
جبته لابوي ف بيت جدتي
جدتي غضبت جداً ومنعت الدكتور من دخول المنزل !!!!!!!!!!!!!!
أنا خليت الدكتور يدخل غصبن عنها
ثم جالسة تلعن وتسب وتقولي ترا جبنا لابوك دكتور اول < استغفر الله من هذي الانسانة الغريبة !!
مع العلم انها للاسف تكذب ماجابوا دكتور وابوي قال لي الكلام هذا
مرة من المرات ابوي قال لي انا يوم اكون عند بيت امي محد فيهم يجوني الغرفة يسلمون علي يقعدون معي حتى عيال اخواتي واخواني مايجون يسلمون علي !
تخيلوا عيال عماتي واعمامي يوم يجون لجدتي يكون ابوي عندهم بغرفة مايجون يطقون عليه الباب يسلمون !!!!
عموماً أنا تعبت من الكتابة فيه مواقف كثيرة لم تذكر منهم
تخيلوا يا اخواني رغم المواقف هذي والله ثم والله ماعمرنا تكلمنا فيه عند الناس
ماعمرنا ارسلنالهم رسالة او اتصلنا فيهم
ماعمرنا سوينالهم مشاكل
ماعمرنا رحنا لمحكمة ونشتكي
ماعمرنا حتى لو يجونا ناس او نروح لناس نقولهم اللي حصل بدون زيادة او نقصان يعني ار حقيقي واقعي بعيد عن الكذب ماعمرنا سويناها تخيلوا يعني نستر عليهم
فوق كل هذا يا ناس ومن 20 سنة وهم وإلى هذه اللحظة حتى بعد وفاة والدي رحمه الله مازالوا مستمرين باخطاءهم الشنيعة والتي لا تغفر
الآن راتب والدي التقاعدي الضعيف موقف لأن حظنا الردئ أن جدتي موجودة بصك حصر الورثة
أمي واخواني واخواتي عملوا لي وكالة
باقي جدتي فقط

هم برا الرياض وماعندي سيارة ولا فلوس
اتصلت عليها وشرحت لها الموضوع كله عشان يمشي راتب والدي لنا الي موقف من 4 اشهر وضعنا مزري وسيئ وشقة ايجار واخواني اليتامى الصغار ووالدتي الارملة قاتلهم الجوع ولابد من وكالة منك يا جدتي عشان اسقط قروض ابوي واسدد ديونه ويرتاح بقبره ولابد نستعجل بالامر هذا
كالعادة تقول كلام بدون سبب زي تقول مافي احترام ولا تقدير ومدري وشو
وسوت وكالة لعمي
ولا كلمت عمي ولا حياة لمن تنادي ماهو راضي يسويلي توكيل وكانهم متعمدين اذانا ومعكرين امور الراتب
كلمت عمي الآخر يقول لا اشوف منكم رسالة ولا اتصال
ولا اشوف منهم اي اتصال او رسالة او اهتمام لا يوجد اي تجاوب
اقسم بالله يا اخوان أن اليهود اليهــــود مايسوون زي كذا !
رغم كل هذا احنا ماصدر منا اي ردة فعل .. ردة فعلنا الوحيدة هي السكوت
وهم مستمرين بنشر الشائعات تخيلوا اهتمامي بموضوع والدي رحمه الله وركضي ع الاقدام والخ وهم ماسووا ولا شيئ حتى زيارة ماجوا يزورونه
ويوم اكون بالمستشفى اشوف الغرفة اللي بجانب غرفة والدي يوجد مريض مسن وكانوا فيه رجال زي 10 ماشاء الله عنده الاقارب يعني
وكان قلبي مكسور قلت سبحان الله وابوي محد عنده إلا انا واخواني واخواتي الصغار وامي المسكينة ي سبحان الله !

ف ي اخوان هم ماخلوا أحد من الناس سواء كانوا من الجماعة او برا الجماعة الا ونشروا شائعات عنا كذب وافتراء وكل كلامهم العكس صحيح يعني احنا الي سوينا وهم لا .. لكن ينكرون ذا كله وينتسبونه لهم
وانا عتبي وصدمتي للناس الكبار اللي يصدقونهم كيف يصدقونهم مدري ! مستغرب انا !
وتخيلوا يناس اللي قاهرني اخطاءهم الكبيرة هذي اللي ذكرتها لكم شايفين نفسهم صح واحنا الغلطانين !!! نهائياً مايشوفون اخطاءهم !
وتخيلوا رغم اخطاءهم كانت امي المسكينة والى الان تقول خذ اخوانك وزورهم < شايفين الفرق بيننا وبينهم !

بالأخير ي اخوان وش رايكم فيهم ؟ عمركم شفتم ناس زي كذا ؟ احد فيكم اقاربه زي اقاربي ؟
ما الحل مع الشائعات الي ينشرونها عني بالكذب وعن اهلي ؟
ما الحل معهم ؟
ما الحل بخصوص راتب والدي رحمه الله ؟
فوق هذا مسوين نفسهم مطاوعة (لاتعليق)
* البعض ممكن ما يصدق إن كل هذا وبدون سبب ! < يجب أن تثق ثقة تامة أن كل ماذكر صحيح وبدون سبب نعم بدون سبب ثق ثقة تامة وجازمة أنه بدون سبب كذا هم أخلاقهم سيئة وقلوبهم سوداء وإذا لديك أهل من جهة الأب يختلفون ف طبيعي لا تصدق وقول الحمدلله على هذه النعمة غير ب نقمة مثلي !

ولا تنسون يا اخوان ان ربما احد من اقاربي موجود هنا بالمنتدى
اتمنى منكم انكم توضحون لهم بشاعة وضخامة اخطاءهم التي لا تغفر
ولكم مني جزيل الشكر والعرفان وجزاكم الله ألف خير ( ولا تنسون تدعون لوالدي تاج راسي وقدوتي ومعلمي )