فهدعبدالهادي

بيانات اضافيه [ + ]

رقم العضوية : 51557  تاريخ التسجيل :  08 2015  أخر زيارة : 20-08-2015 (08:52 PM)  المشاركات : 2 [ + ]  التقييم :  10

لوني المفضل : Cadetblue

قصتي مع مرض الهلع

بسم الله مااحب اطول عليكم بس بدخل بالموضوع كانت معاناتي مع مرض الهلع طويله وكان مرض غثيث للامانه ومخييف جدا بدايتي باول نوبه هلع كنت بالنادي بفتره العصر تقريبا على اذان العصر اول مااذن وانا اتمرن وكان تمريني قوي جدا وقفت وقلت خل اروح اصلي وكان الوضع عادي اسلم على الشباب والوضع طيب ولاكن فجاه بدون سابق انذار حسيت اني بمووت خلاص وتشهدت وزادت نبضات قلبي بشكل سرييييع جدا اول مره تصير معاي بحياتي وحسييت بدواار رهيب وخدران باليديد وقمت انشهد للامانه اعراض المرض مخيفه جدا ورحت للمستشفى طبعا وصلني واحد قمت مااحس بيدي كلش وقلبي سريع حيل واول ماقعدت على السرير مال المستشفئ حسيت راح كل شي وقاس نبضي الطبيب الله يذكره بالخير قالي باللهجه المصريه مفياكش حاجه يبني قوم ولسه شباب طبعا انا استانست وماعطاني ولا شي للعلم عمري 22 فا مرت الايام ومايتلي ولا مره ونسيتها وبعدها بشهرين بالضبط كنت قاعد ويه الشباب ويتلي نفس الحاله بصوره اقوى حيل ماتحملت كلش ورحت الطبيب وقالي مافيك شي كلش الحمدلله وبعدها رديت البيت وبلش الكابوس 😂 الحمدلله علئ كل حال ونقص وزني حيل طحت11 كيلو باقل من 3 اسابيع وطبعا البيت مااطلع منه كلش وامي تعبتها معاي الله يطول بعمرها والله دربالكم على امهامتكم والله نعمه من الله ومرت تقريبا شهر وانا على هالحاله طبعا تقريبا كل يومين طبيب وبيوم من الايام امي راده من الدوام وقالت قووم طبعا انا لا اكل ولا شرب بس قاعد وساكت مادري شفيني وقالتي امي امش الحين ورحت معاهم وطبعا ولا جني موجود علما انه الدوامات قربت وانا باقيلي اخر مواد للتخرج بعدها الميداني بس والكلام هذا كله قبل 7 شهور تقريبا او 8 ودخلنا عياده انا مادري طبعا مفهي وصاكه فيني واشرف الدكتور بويهي يبتسم اخذ كتاب مدري شنو وسالني شفيك امي ترد عليه طبعا انا مافيني طاقه كلش قالها الدكتور خليه اهو يتكلم وتكلمت وقلت اللي فيني قام الدكتور وقالي حالتك بسييطه جدا وكتبلي دواء اسمه سبرالكس وماصدقت بالبدايه طبعا قالي بعد شهر تعال وعطامي مهدئ مع الدواء طبعا اول اسبوع تعبت منها وبعدها حسيت اني رحعت مثل اول واحسن ورجعت حق الدكتور قالي استمر عليها 6 شهور والسابع تعالي واستمريت والحمدلله هذا اخر شهر قاعد اقطعه تدريجي ومن اعراضه للامانه حاليا دوخه خفيفه حيل بس تروح مع الرياضه ويزيد الوزن شوي لانه يفتح النفس ويخليك طبيعي ومرتاح والحمدلله علئ كل حال والله يشافي اليميع تقبلو تحياتي ..

المصدر: نفساني