نفساني - عرض مشاركة واحدة

21-05-2004, 11:34 AM

وش ذا ,

ليه كذا

ليه صار الانسان تفكيره محدود ؟

مو حرام اللي يصير ؟

ليه هو مو بشر زيكم ؟

إن كان الله كرمك عليه بنعمة , تصير مغتر فيها ؟

حسبي الله و نعم الوكيل

الله ان شاء الله يوريك

لا حول ولا قوة الا بالله

القصة و ما فيها ....

إنه واحد جا يخطب وحدة و هذي الوحدة عندها اخ

من ذوي الاحتياجات الخاصة ( التوحد )

أنا أقول لكم إن الأم كانت الغلطانة , المفروض تخلي كل شي عالمكشوف

ذي خطبة و بعدها زواج , يعني عذاب طول العمر , و معاير

المهم

جا ذا الواحد , و خطب بنت الناس , و ذو الناس , ما قالوا إن عندهم شخص من

افراد العايلة عنده توحد ... و صاروا يخششون فيه و يدعسونه عشان

اهل الزوج ما يشوفونه

بعد ما تمت الخطبة , و انكتب كتاب الاثنين , اتصل هذا الرجل بيسولف مع مرته

سمع صوت الأخ اللي فيه (التوحد) ... قال لها الزوج وش ذا الصوت ؟

قالت له البنت و هي على نياتها ما تدري ان اهلها خاشين السالفة

قالت له : ذا أخوي ... فلان

قال لها : ما قلتي لنا إن عندك اخ اسمه ... فلان

قالت له : بلى هو اخوي , بس هو شوي مو صاحي , فيه توحد

عصب الرجّال و صكر الخط , و من ثاني يوم دز لها ورقة طلاقها

ليه كذا ؟

و الله حرام , تشوفون فيه الشخص اللي مو صاحي , بس هو اصحى منكم

انا شايفته , هو واحد من الأهل , و الله أعقل من العاقلين ,

اول ما ندخل , يجي و يسلم علينا , و بعدها يروح و يجيب لنا شي نشربه

و يضيفنا مع انه عندهم بدل الخادمة الوحدة ثلاث خادمات , و إذا شاف

شي موبزين في التلفزيون , او غيره , يعصب , و يصكر التلفزيون

اول ما يأذن نسمع صوته يقول : الله أكبر , الله أكبر

ما أقول إلا حسبي الله و نعم الوكيل

إذا كنت شايف نفسك أعلى منه , بيجيك يوم و ربي بيخليك أسفل منه

لا حول و لا قوة إلا بالله

و بعدين أحسن , البنت افتكت من المعقد , و الله جاب لها واحد محترم , و بالعكس كل ما يدخل البيت يكون جايب شي لأخوها اللي فيه توحد
الله عوضها خير

لكن أنا اللي قاهرني , هو ذاك الأهبل

منه لله

المصدر: نفساني