|
عـضو شرف
|
بيانات اضافيه [
+
]
|
|
رقم العضوية : 5011
|
|
تاريخ التسجيل : 11 2003
|
|
أخر زيارة : 26-01-2006 (07:01 PM)
|
|
المشاركات :
1,048 [
+
] |
|
التقييم : 10
|
|
|
لوني المفضل : Cadetblue
|
|
الدنيا مليانة دروس , تغير أطباع النفوس
على الرغم من أن المشاكل و الأمور و الحوادث اليومية التي قد تكون فريدة من نوعها , لكن هل هناك حادثا سمعته أو رأيته أثر بنفسك ؟
سوف أطرح عليكم بعض من المشاهد و السمعيات , التي قد سمعتموها و قد تكون أثرت في نفسكم ,فأتمنى أن تثروا هذا الموضوع بالحوادث التي أثرت بكم و جعلتكم تغيرون من مجرى حياتكم
1: في يوم من الأيام , و في اذاعة القران الكريم الساعة السابعة مساءا , كان يعرض برنامج عن بر الوالدين , و في تلك اللحظة جاءت مكالمة هاتفية من امرأة قد غدر بها الزمن بأولاد ....
تروي هذه الأم حكايتها , تقول : يا شيخ انت تقول ان على الابناء واجبات اتجاه آبائهم , وش تقول لعيالي اللي وروني الويل , وش تقول بعيال حملت فيهم تسع أشهر و ربيت كل واحد فيهم على عمره , و آخر شي , و بعد ما عجزت , يجون بناتي اللي عايشة معاهم , وحدة منهم مطلقة و الثانية لحد ألحين ما تزوجت
و يجون و يضربوني , و الكبيرة تتفل بوجهي....
و صارت الأم تبكي , و بعد ما تمالكت نفسها قالت :
وش تقول فيهم , ذول عيال ما يخافون ربهم , جذي يسون بأمهم , أنا اللي ربيتهم و تعبت عشانهم و ياما سهرت و شقيت عمري عشان سعادتهم آخرتها
هذا مصيري , الكبيرة المطلقة تضربني جدام بنتها , و الصغيرة تتفل بوجهي
ما بقى كلمة ما قالوها علي ... ذولي عيال ؟
و عاودت البكاء ....
هدأها الشيخ بكلمتين و انهت المكالمة
الثانية :
خرج الرجل من بيته يسحب أباه من ثيابه , و يمشي به و يشتم به , و يضربه
و يتابع ... و الأب ساكت دون أن ينطق بكلمة واحدة , حتى وصل به الحال إلى
مكان نطق الاب أخيرا , و قال لإبنه , كفاك يا بني ,
استغرب الأبن ءالأن تستكفيني ؟ , بعد كل هذا المشوار ؟
رد عليه الأب : نعم يا بني , إلى هنا سحبت والدي أيام شبابي
الثالثة :
يوم من الايام دخلت المستوصف , هذي عادتي كل اسبوع , لأسباب صحية
رأيت تلك المرأة العجوز التي قد سار بها العمر إلى فوق السبعين , بلا أبناء
و لا راعي , بل مع الخادمة و السائق ... رأيتها و هي تخرج من السيارة , و الخادمة تعاونها على الخروج و تكشفت العجوز , و الخادمة تسترها ,
كانت تراجع في نفس القسم الذي أراجع فيه , و كان القدر أن تجلس بجانبي
بكرسيها المحترك أخذت تتحدث معي , حتى يأتيها الدور ,
و كان من طرف الحديث أن سألتها عن ابناءها ... فقالت لي :
عيالي ... الله يحفظهم ,
قلت لها : كم واحد عندك ؟
قالت : 4 الله يخليهم , بنتين وولدين
قلت لها : ماشاء الله ربي يخليهم لك
عم السكوت بيني و بينها , رأيت أعينها ترطبت من الدموع , قلت لها :
وش فيك يما , ليه تبكين
قالت لي : تتصورين عيالي اللي ربيتهم ما اشوفهم إلا كل كم سنة مرة
قلت لها : ممكن مشغولين .. ظروفهم
قالت لي : وش اللي يبعدهم عني انا اللي سجنت عمري معاهم عشان اربيهم
شفت اللي ما تتصورينه ابوهم مات الله يرحمة و هم توهم صغار , انا اللي ربيتهم
عمري ما خليتهم يعتازون لأحد , اخرتها يحذفوني بالشارع , يطردوني من
بيتي انا و خدامتي و السايق , خذوا اللي وراي اللي دوني , و خلوني حافية بالشارع امشي , ولا بجيبي حتى عشر دنانير على بعضهم , بعدها البنت الكبيرة تكرمت علي بشقة , و مصاريف السايق و الخدامة , و الأكل , الله يعطيها العافية
قلت لها : ما عليه يما ذول عيالك ماردهم لك
قالت : ما ردهم لي على وشنو ؟ طلعوني بالمحكمة مينونة , و خذوا فلوسي كلها , يبوني بعد عشان شنو
قلت لها : يما ما ردهم لك بعرفون معزتك و بيجولك يبوسون ريلك , بس انتي لا تعصبين عليهم
قالت : لا والله ما ني معصبة عليهم , و لاني غضبانة عليهم , و ربي يوفقهم كلهم
قلت لها : يما ربك ما ينسى أحد بياخذ لك حقك , و اكثر و يوريك فيهم , كما تدين تدان
قالت : لا يما لا تقولين جذي عسى ربي يحميهم , ولايوريهم اللي انا شفته
جا دور الأم للعيادة , و راحت
الله يعينها على ما ابتلاها ... كذا قلب الأم ؟ بعد اللي سوه فيها بعد تدعي لهم ؟
..................................
و للحديث بقية
قولوا اللي عندكم
و السلام عليكم ورحمة الله وبركاته
|