المشاركة الأصلية كتبت بواسطة روفه

سارونز ي عمري انتــــي اسمعيني زين وركزي ب اللي بقولهه.. ذكرتيني ب ايام اعوذ ب الله كانت لي ايامم سودا..بقولك موقفي مع هالوساوس اللي تحدد موتك تخيلي نمت ذاك اليوم كنت مبسوطه راجعه من عرس يعني مافي شي مضايقني الموهيم حلمت ذاك الحلم اعوذ ب الله اش اقولك ان بموت ف اليوم الفلاني الشهر الفلاني الساعه الفلانيه تخيلي حدد لي اهه تصدقين اهملت نفسي اعتزلت العالم انتظر موتي لين قرب اليوم اللي تحدد والشهر هنا دخلت بنوبة بكاءءء لدرجه شكو اهلي ان فيني جني ههههههه قمت اناقز من الخوف حتى مااكل ابد عايشه ع السوائل قلت خليني اتقرب لله وصرت استغفر واذكر الله واصلي جاني الوسواس يقولي عشان بتموتين الحين تصلي انا هنا مت خوووووف جلست ابكي واخاف واناظر اقول الحين ملك الموت يجي ياخذ روحي والله ي سارونز راح الشهر واليوم وانا الحمدلله ماصار لي شي تعرفي هالشي من الوساوس ايه نسيت اقولك دقيت ع مشايخ 2 مايردون و1 رد علي وقلت لهه عن الحلم قال محد يعلم عن موته العلم عند الله وكل ذا من الشيطانن فرحتت طمني الشيخ لاكن فرحتي ماتمت رجع لي الوسواس يقولي وش عرف الشيخ اذا هو حقيقي او لا انتي بتموتين ب اليوم الفلاني وجلست ابكي وانتظر موتي واتخيل شلون الناس لما يجو يعزو امي وابكي نظفت لهم البيت قلت عشان وقت يحزنو مايقدرو ينظفو البيت ههه قلت ليه اكل وانا بموت اكتفيت اشرب سوائل بس لين قرب اليوم الموعود ومت خوؤووووووووف قلت لأمي ترى بموت بموت الحين التاريخ كم وقالت لي وانا ابككككي سلمت عليها قلت ارضي عني تكفين بموت انا قالت لاوالله انك انهبلتي قلت ارضي عني قالت روحي عني مب راضيه عساك ب.....!! انا هنا قلت خلاص دعت الموت جايني جايني جلست اصيح لين جاء الليل قلت يمكن الله رحمني واجل موتي لين الساعه الفلانيه الموهيم مر اليوم وماصار شي.. كل ذا اوهام عقلنا الباطن يسجل واحيان الوسواس مايبيك تتهني يجي يوسوس لك ويخوفك ي حبيبتي لاتعيشي بوهم مثلي انا ندمت ان سمعت كلام ابليس وافكاري ووساوسه صدقيني محد يعرف متى موته حتى لو تحدد لك ب اليوم لان هالشي بعلم الله.. اذا مب مصدقتني راقبي التاريخ اللي تحدد لك وشوفي اذا ماعشتي بعده ب اذن الله.. لان ي كثر ماتحدد لي لو بموت كان مت مع التواريخ اللي تحددت لي هذا 5 مره تكرر معي!!!! بس قلت الى هنا وبس لمتى بصدق ابليس وابليس وش عرفه عن موعد الأجل!! تصدقين كنت اشوف ناس يتحدد لهم ويقولو ان ماصار كنت اقول لا انا غير هم اووهام وانا حقيقهه كل مايتكرر اقول هالمره حقيقه لين ضاع عمري وانا اركض ورا ابليس وافكاره.. اصحي ي حبيبتي هالشي بعلم الغيب لو كان يتحدد ماكان الحين احد مرتاح كان الكل يعرف متى موته!! فكري بعقل لمتى هالأحاسيس ولمتى عشنا بوهم ولا شفنا شر الحمدلله.. فكري ي عمري ترى والله لو استمريتي ب اوهامك بيضيع عمرك كله وابليس يحدد لك تواريخ وشهور وايام وسرى الليل واحنا ماسرينا!!!