هيفا

بيانات اضافيه [ + ]

رقم العضوية : 6271  تاريخ التسجيل :  05 2004  أخر زيارة : 01-06-2004 (09:34 PM)  المشاركات : 1 [ + ]  التقييم :  10

لوني المفضل : Cadetblue

اشعربالوحده

السلام عليكم ورحمة الله وبركاته


اناشابه عمري 24 سنه لدي مشكلة حاولت حلها لكن دون جدوى ،امي توفي والديهاوهي صغيرة فربتهااحدالعوائل الكبيره فالرياض
والمرأة التي ربتها لا يوجد لديهااولاد فأرضعتهامع احد اولاد اخيهاتزوجت والدتي ورزقت بي واخي وبعد ذلك حصل الطلاق بينها وبين والدي ومن وقت الطلاق ووالدي لا يسأل علينا ولا يعلم عن امورنا ولمن اره الامن خمس سنين مضت ولم يعبر عن مشاعره تجاهي وانما تكلم بلغة جافةً نوعا ما.اخي يصغرني بسنتين ولكن يعتبر من الشخصيات الصعبه التي يصعب التعرف اليهافهو يحمل نفس الملامح في الغضب والفرح والكلام لا يبتسم لا يتكلم وغير ذلك مشغول بنفسه ولا يحب ان يتكلم معي ويستخدم بعد الكلمات الجارحه والقذره معي ويضريني اوقات وامي تقول معليش اخوك او تسكت يعني كأنها راضيه عن الوضع ولمن اجي وهي واخوي يتكملون يسكتون كأنهم ما يبوني اسمع وامي مشغولة عني بنفسها وجدتي(بالرضاع)وإذاطلبت منها ان نخرج سويا تتأفف وتقول(انافاضيتلك ولالجدتك مع مين تبيني اطلع ماتشوفيني مع جدتك او تقول لماذا نذهب للسوق وش تبين من السوق وليش مئة سؤال قبل ان نذهب حتى اكره الطلعه لايوجدلدي اخوات اشعر بالوحده اغلب الوقت تطلب مني ان اذهب لبنات خالاتي وخوالي وهم لا يرغبونني ويشعروني باني غريبه عنهم او لا يتكلمون امامي وعندما تجبرني على الذهاب اخبرها بانهم لا يحبونني ولماذا اذهب تقول لا انتي تحسين كذا بس اشعر بالوحده كثيرا وابكي كثيرا وحاولت ان اقوم ببعض الاعمال التي تشغل وقتي لانني اشعر بالممل والكابه ولكن سرعان ما امل منها ولا استطيع اكمالهااشعر بوقت فراغ وليس لدي احد يحس فيني ابكي بالايام حيث اريد ان احس بالدفئ العلئلي اريد ان يكون احد بقربي اشكي له ويسمع لي امي مشغوله واخي لا يتكلم معي وليس لدي اخوه وصديقاتي يكلمونني من وقت لاخر وانااشعر بانني اموت يا دكتور والله اوقات من الممل والكابة احاول ان ابتلع بعض الحبووب او ان اقفز من مكان مرتفع اريد ان اخرج ان يكون لي احد يسمعني يتكلم معي

دكتور بكتب بالعاميه:

احس بالممل روتين معين دوام الصباح ودراسة العصر وبعدها يجيني الممل والبكابعد ما اكون لحالي أي وقت المغرب وفوق بنات خالاتي وخوالي يحسسوني بالفرق بيني وبينهم لاني مو منهم وانا ما اقدر اجبرهم علي لانو كم مره صار موقف يبين كذا وامي عارفه هذا الشي بس تقولي اضغطي على نفسك علشان تمشين معهم وانا ما اقدر خلاص لحد معين وبس ابي اطلع ابي ارووح اسواق زي الناس لمن تروح واماكن عامه اناطول وقتي فالبيت وفالغرفه ولااحدعندي ولا اقارب ولاشي وش اسوي اوقات ابي اكسر أي شي علشان ارتاح او ارمي أي شي على الجدار لمن ارتاح مليت من التلفزيون مليت ابي يوم احس بالضحكه ابي احس بالانتماء ابي احس انو امي قريبه مني ابي يوم تجي هي من نفسهاتقولي يالله نطلع ولا نروح أي مكان .طلبت من وحده قريبه لهاتقولهااحكي مع بنتك تكلمي معها اطلعوا سوا.فوقتهاوكم يوم بعدها تحس فيني وبعدهاترجع زي اول اوقات اكلمها من الدوام وابغى اسولف معها تقولي يالله مع السلامه وتنفخ فيني وانا لمن اشوفها تكلم احد صديقاتها تجلس بالساعات اقولها وش فرقي عنهم.وانا صغيره تربيت بعيد عنها اغلب وقتها مشغولع عني ما تدري عني كل شي على الشغاله امشي بامر الشغاله انام بأمرها واصحى بامرها واطلع بامرهايعني تربيت وانا بعيده عنها.كثيرناس اول ماتشوفني تقولي انتي حزينه

ابي حل؟ابي احس بالضحكه؟ابي احس بالسعاده اللي الناس تتكلم عنهاوالله لو السعاده تنشر كان شريتها بس يوم علشان اذكر هذا الحلو.

اسفه طولت
وشكرا

المصدر: نفساني