نفساني - عرض مشاركة واحدة

16-09-2015, 07:22 PM

اقتباس:

المشاركة الأصلية كتبت بواسطة ندى الزهر

وعليكم السلام
ماشاء الله عليك خطوه ممتازه
دامك قررتي تتغيرين باذن الله راح ينتهي هالوسواس بحول الله
بس عندك خطأ ممكن هو اللي بيقلب لك الدنيا وكأنك مااتخذتي قرار التغير
تقولين خايفه الوسواس مايروح مع الوقت
هنا انتي تخربين كلش
اذا من اولها خايفه اجل ليه تتخذين القرار
لاني اشوفك مازلتي توسوسين!!
انتي الحين كل ماحاولتي تتجاهلين ترجعين تقولين بنفسك اخاف ما ينفعني
تصدقين ان هالكلام اشد من الوسواس
الحين هو ذكي دخل عليك من باب اخطر
باب التحطيم
انتبهي انتبهي تفكرين بكلمه اخاف ما يروح
شوفي اختي
اذا تبين التغيير اول شي ثقي بالله مليون بالميه
يعني انك تحسنين الظن بالله وان الله ماراح يخيب ظنك
دامك وثقتي فيه وانه راح يساعدك بالتخلص من هذا الشيطان
الله سبحانه يبي منا بس نثق فيه ومن دون تردد وخوف
وبعدها راح يعطينا اللي نبيه
والله لما ذكر بالقران قال
من شر الوسواس الخناس
يعني شيطان الوسواس امره اسهل مما تعتقدين
مجرد استعاذه منه بصدق وكل ما رمى بقلبك كلمه تجاهليها لانها مجرد تخويف
وقولي انت شيطان تبي تخوفني بس الله معي ولا راح تقدر تسوي شي
دائما واجهيه بالله
الشياطين حتى تبتعد منك وتخاف وتهرب اذكري الله وشوفي كيف تنكمش وتخنس
الله خلقنا وخلق هالشياطين والحرب بين المؤمن والشيطان قائمه ليوم الدين
كل نفس خلق الله لها قرين من الشيطان
حتى يختبرنا لان حنا اساسا في دار ابتلاء وحتى يشوف مدى صدقنا معه
وانتي باذن الله بتنجحين لكن لا تخلين هالاعتماد الا على الله
لا تقولين انا بنجح بسبب نفسي
كل شي نسويه هو بفضل الله وبمساعدته ولا لنا مقدار حبة خردل فضل على انفسنا
في قصة يوسف عليه السلام لما كان بالسجن مع الاثنين
وامر الملك باخراجهم قالهم يوسف
(وقال للذي ظن أنه ناج منهما اذكرني عند ربك فأنساه الشيطان ذكر ربه فلبث في السجن بضع سنين )
قال : قال النبي ، صلى الله عليه وسلم : " لو لم يقل يوسف الكلمة التي قال : ما لبث في السجن طول ما لبث . حيث يبتغي الفرج من عند غير الله "
يقولك ان الله عاقب يوسف عليه السلام لانه اعتمد على الرجل ولا اعتمد على الله
وقعد بالسجن سنين بسبب كلمه وحده اخطأ فيها
وبعد شغله ثانيه
لما جوا اخوة يوسف يطلبون من يعقوب عليه السلام
ياخذون يوسف معهم قال لهم يعقوب اخاف ان ياكله الذئب
يقولك الله سبحانه عاقب يعقوب عليه السلام وابعد يوسف عنه بسبب هالكلمه
هو وقتها فكر ان هو اللي يحمي ولده
واخطأ بذا التفكير
ولو توكل على الله وايقن ان يوسف عليه السلام الله يحميه
ما كان صار اللي صار
-
ومره ثانيه اقولك انتبهي يااختي من ذكر كلمة انا خايفه او انا ماراح انجح
خلي توكلك على قووي جداا
خلي الشيطان يولي وييأس منك للابد باذن الله
وطريقتك بالتغلب عليه بقول حسبي الله ونعم الوكل ممتازه جدا
لان ذكر الله يؤذيه ويؤلمه
وكل ما وثقتي وتوكلتي على الله بقوه كل ماقصرت المده اللي يبقى فيها
والان بما انك قررتي التغيير ترى راح يدخل لك من كذا باب
وبتوكلك على الله قفلي هالباب بوجهه وتجاهلي مهما خوفك
والله يشفيك ويفرجها عليك ويسهل امرك ويقويك
-
وحتى انا حاليا كل ماخفت من شي او وسوست امسك مسبحتي واستغفر
واشغل نفسي بأي شي لاني بفترة رقيه وملاحظه انه قام يأذيني من ناحية الوسوسه
-
ﻋﻨﺪﻣﺎ ﻗﺎﻝ ﻳﻌﻘﻮﺏ ﻋﻠﻴﻪ ﺍﻟﺴﻼﻡ :
(ﻭﺃﺧﺎﻑ ﺍﻥ ﻳﺄﻛﻠﻪ ﺍﻟﺬﺋﺐ)
ﺍﺧﺘﻔﻰ ﻳﻮﺳﻒ ,ﻭﺍﺻﻴﺐ ﻋﻠﻴﻪ
ﺍﻟﺴﻼﻡ ﺑﺎﻟﻌﻤﻰ ....
ﻭﺣﻴﻦ ﻗﺎﻝ (ﻭﺃﻓﻮﺽ ﺃﻣﺮﻱ ﺍﻟﻰ
ﺍﻟﻠﻪ )
ﻋﺎﺩ ﻟﻪ ﻳﻮﺳﻒ ..ﻭﻋﺎﺩ ﻟﻪ ﺑﺼﺮﻩ ..
ﺍﻟﻠﻬﻢ ﺍﻧﻲ ﻓﻮﺿﺘﻲ ﺍﻣﺮﻱ ﺍﻟﻴﻚ
-

اذا تبين تسوين شي ينفعك
دوري في النت عن التوكل على الله وحسن الظن واقرئي الاحاديث
واقرئي عن الله وعن رحمته
واسمعي محاضرات والله عن تجربه
هالاشياء ماتخلي بالقلب مكان لخرابيط الشيطان دامك مليتيه بحب الاطلاع على دينك والتوسع فيه
واحب اضيف كثري من الاستغفار ومن كلمة لا حول ولا قوة الا بالله
كلمهم كلمات قويه على الشياطين
والله يوفقك دنيا واخره يارب ويحييك حياة طيبه ترضي الله وعلى طاعته

جزاك الله خير أختي ندى على كلامك الثمين

شكرا لك وأسأل الله أن يجعل كل ما قلتيه في ميزان حسناتك