نفساني - عرض مشاركة واحدة

19-09-2015, 07:57 PM

لا تفتح بكل مره باب للوسوسه
هو صار يستقوي عليك لانه شافك معطيه وجه
ومع كل فكره يحطها براسك انت على طول تستجيب
واكيد راح يزيد يرهبك اكثر واكثر ويكرهك بحياتك
صدقني لو جربت لعدة مرات انك تنطش ولا تعطيه وجه
بتلقى نفسك فجأه راحت منك هالوساوس
وبالنسبه للموت ليه تخاف منه؟
ما تشتاق للجنه؟ ماتشتاق تشوف الله؟
الموت موب شي مخيف
اهم شي انت سوي اللي يرضي الله بحياتك
ومتى ما جا الموت فهذا امر الله لا مفر منه
ودامك صغير انبسط وعيش حياتك بما يرضي الله
ولا تخلي هالافكار تدمر مستقبلك
والحمد لله انها وساوس تقدر تتداركها
بالتطنيش والتوكل على الله والرضى بالقضاء والقدر
وبالنسبه للصلاة لا تتساهل فيها وخصوصا الجماعه وتكبيرة الاحرام
الصلاة اذا صلحت صلحت الاعمال وطابت الحياة
واهم شي بالصلاة حاول انك تخشع فيها قد ماتقدر
وقبل ماتبدا تصلي قول يارب احسن وقوفي بين يديك وتعوذ بالله من الشيطان وصلي
وحافظ على اذكار الصبح والمساء ذولي لا تتركهم ابد طول حياتك لانهم حصن لك بعد الله من كل شر
واذا كنت تسمع اغاني اتركها لوجه الله لانها شر عظيم على قلب وعقل وجسد الانسان
وكثر من الاستغفار كل ماجتك الوسوسه ومن لا حول ولا قوة الا بالله والصلاة على الرسول عليه الصلاة والسلام
والله يشفيك يارب ويعافيك ويصلح دينك ودنيتك ويحييك حياة طيبه