د.فارس

بيانات اضافيه [ + ]

رقم العضوية : 6262  تاريخ التسجيل :  05 2004  أخر زيارة : 03-10-2004 (12:00 AM)  المشاركات : 213 [ + ]  التقييم :  10

لوني المفضل : Cadetblue

بعد التحية والسلام ..

أحب أن اقول لكي شئ اذا كان هذا الخوف بسبب موقف مر بكي .
فانصحكي بتمرين النميطات .

وهذا التمرين عملة يزيل عنكي الموقف السلبي بل يحوله لك لموقف ايجابي

وقد كره الابرة رح تحبينها ان شاء الله _

الشيء الثاني اذا ما كان من موقف مر فيكي فاسمعي هذي القصة

هناك أستاذ اسمه سمير بنتن .. أخذت عنده دوره في أحد الأيام ينقلنا قصة كانت حاصلتله هي عقده مثلك تقريبا .

يقول بينما انا صغير وارسلني ابوي الى البقالة اشتري بيض واغراض <--- ههه جوعان .

المهم وراح اشترى الاغراض وهو راجع للبيت يمشي ويصفر فرحان شف على يمينه ارض فاضيه شبة مهجورة يعني (برحة) وشاف جوتها كلبه والده (اعزكم الله) وترضع عيالها .. اعجبه المنظر .. <--- رومنسي _هههههه
المهم فبدا يناظر بتأمل .. وهو يناظر جو اثنين من عيال الحي الاشقياء وبالحجر على الكلبه وهربوا .. الكلبه زعلت ومالقت قدامها الا مين ؟؟

الاستاذ سمير _ .. ههههه وتجري وراه وتجري وراه والبيض تكسر وحالته حاله ....الخ .

بعدها صار يخاف من شي اسمه كلاب .. يقول مرت الايام وكبر وتزوج .. ويوم راح لامريكا شهر العسل يقول ودخلنا الفندق يقل واشر لمرتي توقف وراي بكل ثقه واقعد اتكلم انجليزي يقول<----- اعلمها ان زوجها فاهم _

ويقول يجي خواجه جنبي رحبت فيه وسولفت معاه شوي ما دريت الا شي صغير تحت قال (هو هو )
يقول ما صدقت خبر على طول صرت وراء زوجتي ..يقول وش اسوي احميها هههههه ..
الشاهد رجعوا ومرت الايام وراح لبيت احد من اقاربه بعد ماجاء هو من سفر قام الصباح ما لقى في البيت احد كلهم في الدوام ويوم جاء يطلع ااثره الكلاب في الحوش يستنونه .. وهو يخاف وتأخر على موعده !!!
بدا يفكر شوي .. قال لنفسه ياسمير انتا دايما تقول للناس واجه الخوف واجه الخوف واجه الخوف !!
ولا عمرك طبقت كلامك ؟؟ ومافي حل الا انك تواحه الخوف على شان يروح منك!
والحل ؟ الحل اني اواجهه .
يقول لنفسه انا مجنون ؟؟ هذولا كلاب _
المهم الرجال عزم وغمش عيونه ويفتح الباب بقوه ويطلع للكلاب .. الكلاب اول شي كانت تلحق وراه وتقوله (هو هو )
يوم شافت الرجال معزم وقاعد يركض باتجهها خافت الكلاب وصار هو الي يلاحق وراها ويقول (هو هو ) هههههه
ويقول من الفرحه اخذتلي دورتين حول البيت الاحق الكلاب _
بعدها انزاح الخوف منه .. وقال لا حد يجيبلي التمرين الجاي كلب _

هذي تفاصيل القصة الشاهد منها اختي ان الي يعانون من اي خوف الحل الوحيد هو ان يواجه هذا الخوف .. ومجرد بعد المواجه سوف يسقط قناع الخوف الذي يتخيله امامه !!

وهذا الكلام في كل شي حتى الي يخافون من المصاعد ...الخ.

آسف اني طولت عليكي لكن اتمنى انك استفدتي ولكي كامل التحية.
د.فارس