ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

خوف مفاجئ ..

السلام عليكم و رحمة الله و بركاته
من فتره سويت تحليل لكذا شي و الحمدلله كل شي سليم
سويت تخطيط قلب و كانت دقاتي سليمه
سويت اشعه حق صدري و الرئه لاني وايد اشكي من الم في الصدر و كانت النتيجه اوكي
و يوم خبرت الدكتور عن الم بطني و الحرقه
عطاني دوا الحموضه و قال جربي لمدة شهر
طبعاً انا كلتها اقل عن شهر لاني انسى و ما اهتميت !

قبل يومين كتبت لكم موضوع الضيق المفاجئ !
نفس اليوم ياني الضيق مره ثانيه
الضيق هذا ماعرف كيف اشرحه لكم !
هو مش نوبة هلع هو ضيق شديد لدرجه تحسين انج تبين تطلعين من المكان و تردين البيت عند امج !
خوف على مادري شو ! بس كملت المحاضره و انا مصبره نفسي !!

طبعاً هاليوم كان كئيب جداً !! لان حتى يوم رجعت البيت تضايقت و خفت و الاحساس مثل ماهو !
بعد تعرفون وقت الدوره احس يزيد لان ماشي صلاه !

المهم من كمن يوم و هالشي ملازمني
اكون يالسه فجاءه احس اني خايفه ! من شو؟ مادري بس خايفه و بطني يعورني
دقايق و يخف و يرد يرجع لي اكثر من مره

اليوم رحت المستشفى عشان بطني !
و قالي الدكتور بسويلج فحص للبطن و المعده بس مش اليوم وقت ثاني

الحين ابا اسألكم !
هل الضيق المفاجئ و الخوف طبيعي أو ؟
يعني يوم احس بالخوف ماحس بنفسي
امسك امي اقوللها خايفه خايفه احس في شي بيصير
و اصيح و اصيح لين ما أهدأ ..

ثاني شي انا كانت عندي قبل سنه او سنتين حاله
اللي هي ، تمر على بالي ذكريات و مواقف صارت من زماااااان
ما احن لها ؟ لا احس لما اتذكرها اخاف
المواقق مش قديمه لسنه او سنتين
لا قديمه وايد وايد ! في حد مر بهالشي ؟

المصدر: نفساني