نفساني - عرض مشاركة واحدة - هل مر عليكم هذا الشعور( اعتقد مرضي غير عنكم) ( ماهي اعراضك دونها هنا)

01-10-2015, 09:55 PM

هل مر عليكم هذا الشعور( اعتقد مرضي غير عنكم) ( ماهي اعراضك دونها هنا)

السلام عليكم
اتمنا الجميع يكون بخير
ع كثر ما تصفحت المنتدي
ما شفت احد مثل الاعراض اللي معي
اتمنا لو احد مر بالاعراض او شي منها
يذكرها وبتفصيل...لاني شاك اللي معي
ليس قلق لان معقول القلق يسوي كذا

( قبل ان اكتب الاعراض بقول لكم ان الحاله لها
ثلاث اشهر تقريبا معي قبلها كنت انسان طبيعي
عايش حياتي ولا اروع طبعا متزوج وعندي اطفال
وماعندي اي مشكله بفضل الله شخصيتي متزنه
ومحبوب والكثير يثق بي لكن من ثلاث اشهر
تغير الحال واصبحت شخص اخر طبعا لا احد
يعرف مابي نهائيا
الاعراض اللي معي بالبدايه:
*خفت من الامراض وبديت احلل بشكل يومي
( طبعا اختفت هذي الحاله ونتجت عنها اعراض كالتالي:

* احس اني مو طبيعي بمعني احس تغير بكل شي

* احس اني فقدت الاحساس بنفسي والعالم من حولي
بمعني احس كل شي متغير ماصرت استمتع بشي
مثل اول مافي معني للحياه بداخلي الاحساس
جسد غريب عني بدون روح..

* ماصرت اروح عند احد نهائي
* احس الناس اغراب عني حتي اهلي احس انهم
ماهم تللي اعرفهم كان اشكالهم صارت مو مالوفه
وفيها دفئ مثل قبل مع انهم يعاملوني احسن معامله
وحب ولا عارفين اللي معايا من حاله..

* احس ان خارج الدنيا الناس عايشه وانا مو موجود
ولا فاهم اللي بدور حولي بهالدنيا..

* الاحساس ان الدنيا اصبحت غريبه ومالي علاقه
فيها في اي شي ما افكر بشي ...

* لما اسوي شي ما احس فيه مثلا اروح مكان احس
بعدها ان اللي سويته له زمان طويل..

* ماصرت اتكلم زي اول مع اني اول كلام مو كثير
لكن اهتم بكل شي وتفاصليه...

* القدرة العقليه احسها مغيبه

* الفراغ بالعقل والتفكير والجسم

* ما احس ان عقلي فيه مشاعر لما اتكلم
او احساس باللي اقوله

* الاحاسيس والمشاعر احسها مختفيه نهائيا

* ماعندي ردت فعل لي اي شي ...

* انعدمت شخصيتي واحس ان شخصيتي اختفت

* الاحاسيس هذي متواصل ع مدار اليوم ماتفارقني
ولا ثانيه حتي وان سويت شي او طلعت ...

* ماصرت اخذ واعطي مع الناس زي اول بالكلام

* وغيرها كثير ما ابغا اطول

ياليت كل شخص يكتب الاعراض النفسيه
اللي يحس فيها...

سوال هل صحيح الناس تخفي وتستحي من كتابة
بعض اعراضها ....?

المصدر: نفساني