نفساني - عرض مشاركة واحدة - سوااااااالف نسواان (ممنوووع دخول الرجاااال )

10-10-2015, 12:16 PM

شوفي يا لحظة
من المفترض حنا ما نأكل دايت ..و رجيم ..
ما خلقنا الله علشان دايت و الشغلات هذي ..

المهم الإنسان مما رزقنا الله منه و ربي أعلم بما يناسب الإنسان سبحان ..
لما تفكرين على أساس إنه دايت .. معناته إنه حرمان و هذا أكبر خطأ ..

راح تحسين دايم إنك فاقده شيء .. على الرغم إنك في الحقيقة ما فقدتي إلا اأكل الي ماينفع .. يعني إنت ربحانه مو خسارنه مو محرومه من شيء ..
و إحساسك بالحرمان دايم يخليك في حالة صراع و إحباطات لما تفشلين في ظبط نفسك ..

إستخدمي أسلوب التدريج ..
شوف أكثر عادة أو وجبة سيئة تأثر في صحتك مو في شكلك ..
بعد فتره أضيفي عاده واحده فقط جديده و صحية ..

التغيير المتدرج يزيد من فرص نجاحك و إنها تكون من ضمن عادات أكل ..
لكن لما أقول يالله يا لحظة غيررررري كل أكلك صعب ينجحون بعض الناس في التغير الكلي و المفاجيء لكن غالبا .. نصير زي توم و جيري مع الرجيم ..
لا تسمينه أصلا رجيم و كأنك تحت نظام و لا شيء مو طبيعي ..

الإتجاه الذهني للأكل و نظرتك له مهم جدا ..و إسألي أخصائيات التغذية الشاطرات مو الي حيى الله ..

سهلي على نفسك إنك تنتظمين على الأكل الصحي الجديد ..
مثلا أنا ساعات أقطع الخضار و أسلقها مثلا و ابهرها فقط .. ثم أحطها في أكياس بلاستك و على طول على الفريز ..
علشان لما أكونجوعانه بس مال مزاج أو كسلانه .. بس أفك الكيس و أوشوحها ثم أكلها ..

و هكذا ..
أجيب قطع السمك و أقطع كل شيء معها البصل و الثوم و البهارات و الليمون اللخ و أحطها في أكياس بلاستك و نفس الحكاية لما أحتاجها بس أشوحها من دون زحمة و مطرسة مواعين بعد ..
و هكذا ..

حتى أحيانا الشوربات ..
أقطع الخضارو أغسلها وأقطعها و في الثلاجة ..

أنا ما أحب الطبخ صراحة علىالرغم سبحان طبخي جميييل بس ما أحبه ..
علشان كذا سويت هالطريقة أسهل على نفسي أكل الأكل الصحي الي يناسبني ..

حتى أهلي صاروا يأكلوا من أكلي بعد ما كانوا يتريقوا ..
أنت تكبرين السالفة أنت تحبين تفسلفين علينا ..

كانوا يكروهوا الزيت الزيتون مع السطلة .. من جد يكروهه ..
بعدين لما اسوي السلطة .. لا تنسين تحطين الزيت زيتون يا كوين ..ههههه سبحان الله خبري فيكم ما تحبونه هاه ..

و شوي شوي خلاص يصير الأكل الطيب و الصحي هو الأكل الي تحبينه ..
راح يجي وقت تقولين كيف الناس تأكل هالأكل و أنت كنت مثلهم تأكلين نفس الأكل ..

فيه حبوب من الصيدلية نسيت أضنها بذور العنب .. طبعا تأكلي منها لفتره تقتل الرغبة في أكل السكر و الحلويات أسالي عنها بس لا تداومي عليها ..
هي فقط للفتره الإولى للي حاب يغير نظام أكله و يلقى شوية صعوبة في ترك الحلويات ..

عاد تصدقين أنا من الله كذا ما أحب الحلويات ولا الشكولاته ..
دايم البنات يشكوون في أنوثتي ..ههههههه كيف بنت وو لا تحب الحلا ..هههههه بالعافية هو .. ما أحب طيب ..