|
شفيت من الهلع لك الحمد ياالله
بسم الله الرحمن الرحيم
السلام عليكم ورحمة الله وبركاته
ما اعرف من وين ابدا المهم اني كنت اعاني من الهلع تقريبا 6 شهور وكنت مره خايفه انو الحالة تطول معاي الحمد لله الان شفيت 100% اقسم بالله العلاج جدا سهل
ما تتصورو قد ايش سهل وحتخف الحالة معاكم بالتدريج
وربي كنت اقول ع نفسي اني مجنونه ههههههههههه
رح ابدا معاكم بالعلاج
اول شي الصلاة حاولو انو ماتاخرو الصلاة عن وقتها وربي انا كنت مررره مستهتره بصلاتي قبل مايجيني الهلع
ثاني شي لو تشوفو انو الدعاء يريح الانسان كل يوم بصلاتك ادعي بخشوع انو ربي حيشفيك وانت محسن الظن برب العالمين قسم بالله حتحس براااااااححة
ثالث شي القران
انا بديت بالقران وكنت احس باعراض وكنت اوسوس انو فيني سحر او مس اوعين بس بصراحة دايما كنت احس انو فيني مس
وبديت برقية عبدالله خلفية طبعا عنده منتدى معروف ومشيت كل 3 ايام اقرا رقيه مثلا ثلاثه ايام رقيه العين وبعدها الحسد وبعددها الخ بعد م خلصت من الرقيه صرت اقرى سورة البقرة ف ثلاث ايام وبعد ثلاثه اقراها مرتين في اليوم لمدة ثلاث ايام والخ
طبعا لما كنت اقرى الرقيه كنت اشوف احلام تخوف صرت قبل م انام اجيب كاسه مويه وصرت اقرى فيها سورة الفاتحة 7 مرات تشرب منها والباقي تمسح راسك فيه واية الكرسي مره وحدة
خفت الاحلام المفزعه كثيير لانو اكثر شي كنت اخاف منه الاحلام ذي الطريقة سوها قبل م تنامو دداائما
رابع شي الرياضة
كل يوم لو تمشو ساعه بس ف اليوم مع اكل صحي رح تحس انو الاعراض خفت انا عن نفسي دخلت نادي والحمد لله احس اني افضل من قبل من ناحية النشاط
خامس شي لاتقول لا احد انك تعاني مثلا قول ل اقرب شخص عندك بس لاتخلي الكل يعرف لانه حتزيد حالتك انا اشوف الافضل انو ما تكلم احد عن حالتك بالمره اانتو تقدرو تعالجو نفسكم بنفسكم مااحد حيفيدكم غير نفسكم
واخر شي لا تنسو قيام الليل والوتر واذكار الصباح والمساء
والله العظيم لو تسو ذي الاشيا بالتدريج حتلاحظو انو الهلع يخف يخف الين يختفى
اهم شي انو الانسان يحسن الظن بالله انو رح يشفيك حيشفيك باذن الله اما انك تجلس تتشاءم وتتحطم وتجلس تشتكي وتقول انا فيني كذا وكذا حتطول معاك الحالة وبتزيد
وسامحوني اذا فيه اخطاء املائية او كلجات ..
|