نفساني - عرض مشاركة واحدة

15-10-2015, 11:30 AM

فى يوم قاعد فى كوفى شوب بشرب قهوه وسيجاره سرحت قفلت عينى زرت ذكرياتى زياره سرحت فى قد ايه الدنيا دى واطيه وغداره وإن حب الناس 90% منه تجاره وده مش كل الى افتكرته ده عصارة العصاره اصل افتكرت فترة بعت فيها ودقت خساره على رأى ست كبيره فى حته تنقى الدنيا خياره اسمع منى الحدوته دى وافهم معنى العباره شاب زى كتير شباب طريقه مكسر مش باينله فيه غير الضباب الاكتئاب صايده وناهشه نهش ديابه وكلاب قرب يتجنن ليه دايما النتيجة سوده هباب دا انا من صغر سنى بسعى وباخد دايما بالاسباب كل اما اوصل لحاجه بتبعد زى السراب تايه في دنيا سوده بيحكمها قانون الغاب راس مالى فيها صحه وامى وشوية صحاب حتى الصحاب من الاكتئاب اغلبهم أدمن تحت التراب مكانهم الله يرحمهم واتقفل الباب صعب جداً احساس إنك انت تدى تدى ومتلاقيش وتكمل الطريق من غير امل عليه تعيش كل المطلوب إنك تعرف تحكى الحدوته من كان ياما كان لحد كلمة توته توته

للأسف ما ينكوى بالنار إلا واطيـــــــــــــــــــها!