اهلا بالضيفه ندى الزهر في جلسة الاسئله المحرجه ،،، وكما ذكرت لك سابقا ، طالما انك طلبتي ان لايكون هناك عدد محدود للاسئله ، فراح احط لك أسئله على مراحل ،،،
اوك خذ راحتك اخوي
بس ترانا راح نستلمك بعد ههههه
س 1/ وانتي ماشية في السوق فجأه رجل مسك ايدك .يفكرك زوجته شو تعملي ؟
رغم اني احس ان هالشي مستحيل يصير بس راح اجاوب عليك
بالنسبه لي راح استحي وراح ابعد لمكان ما يشوفني فيه < بمعنى اني انحاش
س 2/ ماشية انتي و صديقاتك وشفتي وحدة لابسه لبس ماعجبك و قلتي :أستغفرالله.. عليها لبس مو حلو و إختها وراااك شو تعملي؟
مب من طبعي اني اتضحك على لبس فلانه ولا على مكياجها او على اي شي ثاني لاني اعتبر هالشي ما يجي الا من عقل تافه
س 3/ لو شفتي وحده احلى منك هتغيري منها ، ولماذا ؟
لا والله بالعكس ما اغار الا اقول ما شاء الله واقعد اناظر جمالهاا ههههه
س 4/ كم ساعة تنامي باليوم، وكم مره تغسلي اسنانك بالمعجون ؟
والله نومي مافي ساعات ثابته مرات 4 ساعات تكفيني ومرات 6
واذا طولت اكثر من كذا بسبب نفسيتي
تنظيف اسناني يوميا مره قبل ما انام
ومرتين اذا افطرت ورجعت نمت بالصبح
س 5/ عمرك قلتي لوالدتك اووف،،ولماذا ؟
لا ان شاء الله ماتوصل لهالكلمه
بس مؤخرا صايره ماتحمل منها شي لانها دايم تفهمني غلط وتصد مهما حاولت اقرب منها
تحملت حول 13 سنه بس جا وقت حسيت اني مااقدر لانها شدت علي بقوه رغم انها ما كانت كذا ابدا
والصدق امي مب من الحريم الشريرات ولا انا من هالنوع بس السحر فرقنا
س 6/هل كذبتي بحياتك وماهي هذه الكذبة؟
لا ما اذكر اني كذبت لاني اخاف بيوم ينكشف ههههه واصلا مااحب ذا الطبع
س 7/ شيء حابة تغيريه في نفسك ما هو ولماذا؟
ارجع لهدوئي وقوة صبري ونشاطي
س 8/هل اغضبتي الله يوماً؟ كيف ومالسبب؟
ومن ذا الانسان المعصوم اللي ما عمره اخطأ
«كل ابن آدم خطاء، وخير الخطَّائين التوّابون »
كل ذنب نرتكبه يغضب الله سواء صغير او كبير يعني كلها بالاخير ذنوب تغضب ربي
بس اهم شي اذا اذنبنا مانستمر لازم نتوب وحتى ان طحنا مره ثانيه بالغلط عن غير قصد نتوب ونستغفر
س 9/ طلبتي تكسي وركبتي فيه ولما وصلتي للمكان المطلوب
فتحتي الشنطة وكنتي ناسية الفلوس شو بتعملي؟ وصاحب التاكسي باين شرير .
امممم لاني ما اركب تاكسي ما ادري شلون اجاوب عليك ههههه بس يمكن اقوله يا شرير وانحاش ههههه
امزح امزح لحظه افكر هههه
اذا هو من النوع الا لازم تعطيني حقي نسيتي ولا ما نسيتي
راح اتصل على اهلي يجيبون الفلوس
س 10/ كم هوعمرك ، و كم هو طولك ،،،وكم هو عمر زوجك ؟
عمري قريبا ادخل 33
عمر زوجي المستقبلي اكبر مني بشوي ههههه
س 11/ اللامنتمي ، عن ماذا يتكلم ، وماهي قراءاتك المفضله ؟
وش ذا اللامنتمي
اذا تقصد الكتب اللي افضلها احب اقرا الروايات وكتب الدين والتاريخ والاديان
س 12/ هل تفضلي ان يخونك زوجك مع من يهوى ، على ان لايتزوج عليك ، أم العكس ، ؟ ولماذا ؟
والله ياعابر ان شاء الله مافي من هالكلام خيانه وخرابيط
تفائلوا بالخير تجدوه
ما احب افترض شي سيء غير موجود لو حتى كلام واستهبال
س 13/ من تفضلين على من ، زوجك على أخوك ، أم أخوك على زوجك ؟ ولماذا ؟
اذا كان زوجي انسان يستاهل التقدير الاثنين راح يكونون بنفس المنزله وما اقدر افضل احد على احد لانهم كلهم يستاهلونها
س 14/ هل فكرتي بالانتحار يوماً ، ولماذا ؟
اي .. بسبب ضعف الايمان
الشخص قوي الايمان ما يفكر بهالتفكير والحمد لله ان ربي علمني وفهمني هالشي
س 15/ كم وسيلة أتصال مشتركه فيهم ، وكم منتدى ، وكم وقت جلوسك على النت ؟
ماعندي الا تويتر ومنتدى نسائي قليل اشارك فيه
جلوسي على النت كثير :(
مرات احس ان النت سحر كل ما ابعد غصب ارجع هههههه
بس الصدق اليوم اللي يخلص فيه الاشتراك ولا يخترب اللاب احس براحه وسعاده ههههه
................
هذه الوجبه الاولى من الاسئله ، وتمنياتي ان لايكون هناك حساسيه من الاسئله ، وكذلك ان تكون هناك مصداقيه في الاجابات
جد الحين حسيت ان الاسئله قويه هههه اول كنت احسك تخاف تتعمق عشان محد يزعل او يرفض يجاوب
تحياتي لك والجميع
ولك اخي الكريم