المشاركة الأصلية كتبت بواسطة مترجم احاسيس

والله انك تتكلمي عني بكل حرف تكتبيه
فعلا انا اكتب واستغرب كيف اكتب مو حاساللي اكتبه
مثلا بعملي:
انا مدقق معاملات ومستقبل مراجعين في وزارة حكوميه
استقبل المراجعين واستلم طلباتهم وادققها واسجلها
وبفضل الله اساعدهم بكل شي واستقبلهم افضل استقبال
ومديري بالعمل ما يثق في احد غيري يعرف اني
احل اي مشكله مع اي مراجع ما اتصادم معه بالعكس
احتويه حتي لو كان جاي زعلان يمشي وهو مبسوط
حتي لو معاملته ما تمت..
طبعا هذا كله استغرب انا كيف اسويه
بعملي مع اني اخذت شهور انقطعت عن العمل ..
ع سبيل المثال: كان الاسبوع الماضي عند معامله في
دائرة حكوميه بعد تسجليها من الموظف اكتشفت خطاء
فيها وقلت للموظف وعدلها يعني الملاحظه100% تمام
وبالجانب الثاني احس اني مو طبيعي ولا حاس بشي
ولاحاس بالدنيا ولا حاس مين انا ..
طبعا تناقض غريب وفعلا بعض الاحيان اقول
مو نفسي اكيد روحي عين حسد ..الخ
طبعا مو حاس اصلا ان في حياه احس
اطفالي مو حاس فيهم حاس اني ماليا
علاقه فيهم ما احس اني موجود اصلا
ما احس اني بداخلي شعور بشي..
احس ان عقلي فقد الاحساس والشعور
وصاير مو طبيعي ..
حتي حالتي الحين ماصرت احس فيها
مو حاس بشي نهائي

لكن ربنا يتم علينا وعلى الجميع بالشفاء