نفساني - عرض مشاركة واحدة

26-11-2015, 09:27 AM

من قال ان كل اللي فيهم اختلال فيهم عين ممكن يكون سحر او مس او مرض عضوي او نفسي انا ماقلت ان كل اللي فيهم اختلال بالانيه معناه فيهم عين لكن ارد عليك لما قلتي ان فيه ناس فيهم عين ومايعرفون اختلال الانيه ولا مر عليهم
لان مو شرط الاعراض تكون نسخه كربونيه انا لما ذكرت حالة اختي وامي عشان ابين لك ان فيه ناس عانت من اختلال الانيه بسبب العين وبرضه اعرف ناس كثير فيهم عين لكن ماعندهم اختلال بالانيه
وبرضه بعض المشايخ يقول اذا تمركز العارض او المرض الروحي على مناطق الاحساس بالمخ ممكن يسبب مايسمى باختلال الانيه وبعض الامراض النفسيه
انا بس ابغى اوضح لك ان العين مثلها مثل اي مرض مو شرط ابد ان الاعراض تنطبق على جميع الناس
ولما سالتي ايش معنى الاختلال يشتد اذا اشتدت نوبات الهلع هل معناه ان العين تشتد اكيد اي مرض يصيب الانسان يجي لحظات يشتد ولحظات يخف وكل ماضعف الانسان اشتد عليه المرض اكثر
انا ماحبيت اخوفك وبعدين انا ماشوف الموضوع يخوف بالعكس اتمنى يطلع فيني عين ولا يطلع شي عضوي او نفسي لاني جربت العلاج النفسي يصلح من جهه ويخرب من جهه ثانيه العين شي واضح وعلاجها شي واضح ومهما طالت مدة العلاج بيجي الفرج باذن الله احسن من الادمان على الادويه النفسيه
وعلى فكره انا اميل كثير لرأي اللي يقول ان اغلب الامراض النفسيه سببها اما عين او مس او سحر او وسوسة القرين واعرف ان فيه مانقول امراض نقول عوارض نفسيه تعترض المريض هذي يكون سببها نفسي بحت مثل الكآبه الخوف الهم الخزن هذي تصيب كل الناس ولمده معينه ولظرف معين ممكن تحتاج مهدئات لين يتجاوز الانسان هالموضوع لكن مثل امراض الفصام والهلع والوساوس القهريه في الموت والدين والنظافه اكاد اجزم ان سببها اما عين او سحر او مس وعلاجها يكون بالقرآن
الله يشفي جميع مرضى المسلمين