المشاركة الأصلية كتبت بواسطة آمال يائسة

السلام عليكم ..

صارلي سنوات وانا أتابع الموضوع ماشاء الله عليكم .. بس يعني الحين صرت من جد أحتاج اكتب ..

أنا لي ثلاث سنوات وأنا أجاول في موافقة زواج سعودية من أجنبي غير مقيم .. و مشكلتي هيه في العمر ,, أول ما قدمت كنت 21 , و الحين صرت 24 و احنا لسا رايحين جايين فالدوائر الحكومية !
أول مرة رحت قدمت جربت أروح للأمارة , الموظفة ببساطة أعطتني أوراقي و قالتلي ممنوع :) أمي كانت معاي فقالتلها يعني لو البنت عاجبها الخطيب و احنا موافقين عليه ايش نسوي !!؟ قالتلها روحو زوجوها بعقد و لاصارت 25 تعالوا !!!
طبعا الوالد مستحيل يوافق :)
رفع معروض طلب استثناء من الداخلية ,, ومع واسطة , حفظت خلال 5 أيام من عند الباحث .. بعدين قالولنا قدموها من مكتب الوزير , قدّمناها , نفس الشي !!
ولمّا سألنا قالو الرفض بسبب العمر ! يعني احنا نطلب اسثناء للعمر و هما يرفضوه بسبب العمر !!؟

الوالد حاول يقدّم معروض لأمير الرياض , السكرتارية الي فالمكتب رفضوا يخلّوه يقابله و قالوله ما يحتاج .. احنا الحين من عندنا نسويها و يوصلك رقم المتابعه عالجوال ,, وطبعا ما وصل !

المهم , أكثر من معقّب يقولنا أجيبلكم اياها ب 10 ايام بس تكلًف من 50 إلى 70 ألف ! معليش يعني بالمنطق ليش أدفع مبلغ أكبر من مهري عشان أتزوج ! وأصلا لا أبوي ولا خطيبي عندهم مقدرة يدفعوا مبلغ كبير زي هذا !

اليوم من جد عاد ضاق صدري , كلّمنا معقب و قالي لو رجعت قدّمتها مرة ثالثة و حفظت يصير تدخل شي زي بلاك ليست و ما ترجع تنقبل أبدا ! وان هذا الاستثناءات لا يمكن تصدر غير عن طريق معقب و بفلوس !! ؟

ايش أسوي !! ؟؟
تعرفون معقّب مثلا ممكن ياخذ مبلغ معقول !؟
أو طريقة أخرى أقدر أقدمها فيها ؟

ربي يفرج كربكم و همكم جميعا :(