نفساني - عرض مشاركة واحدة

01-12-2015, 06:07 PM

اهلا بالمهلوعين مثلي ههههههه

انا سجلت من كم يوم لاني تحمست وكنت أقرا كثير هنا
اول مشاركه لي هذي او رد بمعنى اصح

انا من المهلوعين الله يعافينا وياكم وطبعا لي حاليا اكثر من شهر ما طلعت من البيت ابدا الا عند الباب ع اساس اني سوبر مان هههههههههههه ( طبعا طلعت خيخا مان اخر شي )

المهم ان اليوم كان عندي موعد مع الطبيب النفسي وتوني جاي قبل يمكن نص ساعه ... العجيب ان لما رحت له وطبعا اخوي وداني كنت دايخ ومرعوب وشوي شوي حسيت الموضوع طبيعي ، مو مره طبيعي قصدي ان عادي ممكن اتحمل شوي وصرت اسولف معاه باي شي ع اساس انسى اني مهلوع ( اول مره اسولف معاه عن الايفون مع اني ما ادانيه هههههههه )

طبعا انا بديت في باروكسات 20 من شهر بالضبط واليوم رفعلي الجرعه ل 30 وبعد اسبوع 40 ... الشاهد تن الدواء يا جماعه فعلا يخفف الهلع والله بس المصيبه اني ما كنت اتشجع اطلع بسبب الخوف .... ما اقول ان اطلع واجي لا لسه خايف لكن الدواء يخفف جدت من وطئة الخوف ، صحيح تدوخ كل دقيقه مدة ثانيتين ثلاث لكن تقدر تسيطر ع الوضع لان الهلع يجي لما تفكر بالهلع نفسه ما يجي من الباب للطاقه .... رح اكمل بكره طلعات مع اخوي لمسافات قصيره وان شاء الله بقدر اتعلب ع الخوف ... الله يعين

المهم اني انصحكم جد الي ما ياخذ علاج يروح للطبيب يوصف له والله تفرق اذا صرت تاخذ علاج لكن الدكتور قالي اليوم ان العلاج فقط ترفع مزاجك يعني تخليك تفكر شوي صح مو هو سبب شجاعتك هو فقط يخفف القلق وانت تخلق لنفسك سيناريو ايجابي .... ربي يعينا المهلوعين ههههههههههه