نفساني - عرض مشاركة واحدة -

07-12-2015, 12:10 AM

- فضفضه ( يومياتي )

كلنا نعرف ان قبل المرض كان حالنا ازين لكن بعض المواقف تغيرنا للاسوا او للاحسن يعني من يصدق ان انا كنت طموحه مرحه بشوشه الكل يحسدني ع الراحه متبلده ف الامور اللي تضايقني ب اختصار ماشيه ع مبدا عش يومك وانسى امسك وانقلب حالي سبحان الله يمكن خيره لنا ربي يبي هالشي يصير واكيد له حكمه 
 
المهم فتحت هالشي فضفضه وبقولكم مواقف من يومياتي
 
مرة الايام فقدت صديقتي كانت صدمه لي صرت اكرهه احتك ب احد اخاف من هالشي وبعدها ب ايام وحده ماتت بتسمم هنا بدات معاناتي والخوف من الامراض ..اتذكر رحت لجدتي قالت خذي ي بنيتي لبينه خفت قلت يمكن موب نظيف ومتسمم عطيته بنت اختي والاخت متلذذه ب الطعم تلحس حتى اصابعها هههههz7حلوه الحياه بدون وسواس 
الموهيم والله مااخفيكم خفت عليها اراقبها وحسيت ب الذنب قلت الحين تتسمم وتموت سويت لها عصير ليمون وادخل قوقل واشوف اشياء تمنع التسمم واسويه لها لين بكت من بطنها من كثرت السوائل مسكينه حال خالتها مزريass
ذاك اليوم اتصالات ع اختي اتطمن ع بنتها تقول وش فيك بسم الله ع بنتي مافيها شي ليه تسآلي عنها وكانت مستغربه جلطتها 
والحمد لله االبنت بخير مافيها الاالعافيه وانا ذبحت نفسي ب الهمم .....):

الزبده ان خوفنا ذا ماراح نجني منه فايده غير الهم وان كل شي مجرد اوهام متى نستوعبها لما يمضي عليها الزمن هنا ننفض عنها الغبار ونقول اووووه ونضحك ع حالنا):

وهذا موقف بعد ليY>
امي الله يحفظها كانت تعبانه ورحنا معها انا واختي المهم كنا ننتظر الا الله يكرمكم بنت صغيره استفرغت ع عباية اختي جتها صدمه عصبيه وانهيار ههههههههه المهم 
اختي قامت تتحلطم قالت روحي معي لدورة المياه رحت جنب دورة المياه غرفه مكتوب عليها ممنوع الاقتراب منطقه ملوثه واحط رجلي وانحاش هههههههه لما رجعت اختي وانا ماسكه بيدي لها ديتول ومعقم وعبايه): ماانتظرت لين نطلع ع طول نزلت للسوق وشريت لها قلت حطي من هالاشياء وتحممي بها
ولا مالتس نومه بغرفتي ): تقول حسيت نفسي نفايات تمشي حطمتها_ ولاقلت لها عن السالفه لان اخفيت هالشي عن الكل عشان مايقولون لي موسوسه اكرهه هالكلمه معي حساسيه منها حالي مزري ):' 

وهذا موقف بعد Y>
تدرون لما الاجواء تكون فرح يشتد معي الوسواس فيها ليه ماادري): ملاحظه هالشي 
الموهيم خواتي مسوين بارتي لامي بمناسبة حفظها للقران المهم قالو لي يلا خذي الحلا وزعيه ع الكل عاد وانا اوزع الحلا يدي بدات ترتعش قلت يمكن توترت اختي لاحظت علي قامت تقزني بعينها 
وشوي حسيت مقدر امشي تجمدت بمكاني واختي تقزني وتقز مسكينه ههههههه لان صبت قهوه وانا واقفه ب الحلا جتني تقول وش فيك وزعي الحلا ليه وقفتي قلت مقدر اتحرك رجولي واصيح ع الصامت اخذت الحلا وانا واقفه بمكاني والله مقدر اتحرك رسلت لي اختي الثانيه وسحبتني وجلستني جنب جدتي وانا اصيح رجولي توجعني راسي يوجعني جدتي قالت هاتو الفكس ادهن به رجلينها والله لما قالت كذا قمت اركض هههههههه 
 مااداني الفكس): اختي قالت لجدتي جبتي لنا حل كل ماشكت من شي بنرفع لها الفكس_

ادري ابثرتكم بس ابي افضفض شوي ونضحك ع هاللي يصير لنا عشان نستحقر اللي نمر فيه ويصير شي عادي بحياتنا لانعطيه اكبر من حجمه ونعتبر هالشي حاجه تافه او روايه نرويها بس تكون نهايتها انت او انتي البطله وانتصارك ع عدوك الوسواس لي عوده اكمل مواقفي الله يعينكم عليا (:

المصدر: نفساني