نفساني - عرض مشاركة واحدة

12-12-2015, 10:34 AM

نوبة هلع صبحت علي اليوم

السلام عليكم وصبحكم الله بالخير

انا مثل ماني معروف عندي باكج الامراض الحلوه ( وسواس، رهاب الساح، القلق العام، واضطرابات الهلع )

اليوم بعد اسبوع كامل من اختفاء نوبات الهلع، صحيت من النوم الساعه سبعه ونصف، وقمت واخذت الفوطه وبطريقي للشور. وبنص الطريق قالت لي النوبه ، صباح الخير ياخي اشتقنالك وتصفقني وصرت منتهي خفقان وضيق تنفس والدنيا تدور ورحت اركض ادور كرسي اقعد عليه.... المشكله ضيعت الكراسي والكنب ولا عاد ادري ويني فيه ههههههههههههههه. قعدت على هالحاله ربع ساعه وخفت النوبه لكن جاك التوتر والقلق وقال قود مورنينج يا ماندوزا قلتله اهلا حياكم كلكم ما عاد تفرق ويضربني التوتر والقلق بسبب النوبه لين حدود ثمانيه ونص تقريبا وخف معاي. دخلت هنا احاول اشتت انتباهي بالمنتدى شوي.

الحمد لله اخذت الشور والان انا اتقهوى والتوتر اخف والقلق اخف.

هذي مشكله الهلع، يضرب من حيث لا تعلم، طيب ياخي عطني رساله قبل ما تجي خلك مؤدب ههههههههههه

الله يشفينا مما نحن فيه

المصدر: نفساني