|
تعالو نتشارك أعراض وسواس الموت علشان كله يطمن
بِسْم الله الرحمن الرحيم وبه نستعين وعليه نتوكل الي يوم الدين
انا راح اقول ايه السبب فى وسواس الموت اللي جالي وراح اذكر اعراضي ايضا واللي شايف انها نفس الأعراض او في تشابه يدخل يكتب أعراضه علشان نكون مجمعين اكبر قدر من الأعراض :-
انا في يوم صحيت من النوم مفزوع وقلقان وحاجه كانت بتقولي ( الموت ) وكان هناك الم في القلب والصدر والبطن بعدها بدأ الوسواس انا قعدت اقول لنفسي طيب ليه أول ما قومت من النوم حسّيت كده واللي زاد الوسواس اني سمعت ان المتوفي بيحس انو هيتوفي قبل أربعين يوم قلت بس كده انا حسّيت دلوقتي وراح انتظر الأربعين يوم طبعا دا كلام خاطئ بس زاد عندي الوسواس لأَنِّي انا كل يوم أفكر في الموضوع كتير ومن هنا تكون الوسواس وأعراضه هي:-
1- الم في القلب بس ده كان معايا لمده 6 ايام بس بعد كده كان بس علي خفيف
2- التفكير الزائد عن الحد الطبيعي ان فكره الموت امام عيني كل دقيقه
3- الأحلام المزعجة عن الموتى بس دي انتهت بعد ما شغلت سوره البقره وقريت ايه الكرسي مكنتش بحلم احلام مرعبه لانها في الأصل من الوسواس
4- طبعا كثره التفكير سبب ليا دوخه وثقل في المخيخ وألم ايضا
5-إحساس ان كل اللي حواليه بيودعني وان هما هيفتكروني بعد كده وكنت بخاف اتكلم مع حد
6-تصوري ما سيحدث بعد الموت وطبعا كان احساس رهيييب لا يوصف
7- فقدان السعادة تماما وأي لذه فى الحياه والإحساس بفقدان الأمل واهمال كل شئ
8- الاكتئاب والقلق والاضطرابات التفسيه
دي كانت اعراضي ياريت لو حد عندو حاجه من الأعراض دي يكتبها والاهم انو يكتب ايه السبب اللي علشانو جه الوسواس
وربنا يرزقنا إيانا. واياكم طوله العمر في طاعته والبعد عن معصيته
|