نفساني - عرض مشاركة واحدة

18-12-2015, 03:09 PM

اي والله ابكي من فراق ابوي مابكي من غبن
والله ماكبر فرجته وانا من الفرقى حزين
العود ابوي عسى مثواه في جنة عدن
مع خير خلقه والصحابه والعباد الصالحين
وسقى الله يوم بدلنا ثيابه بالكفن
قبلت رجلينه ويدينه وقبلت الجبين
ودعته الله واحتواني الهم بعده والوهن
والله يصبرنا علي الفرقى وفي الخافق حنين
ويالله عسى نهر العسل وانهار تجري من لبن
تروي ضماه ويرتوي من حوض سيد المرسلين
يابوي حتى لو حضورك غاب عنا بالبدن
يبقى شموخك بيننا في كل وقت وكل حين
آآه ..آآه من وجع جروح مايداويها الزمن
تبقى ويبقى جرحها مدمي وبيحت الكنين
من ضيقتي تخنقني العبرات والغيظ انسجن
من ضيقتي ضاق الفضا ماعاد للفرحه وطن
والدمعه اللي جرحت خدي تبكي كل عين
يالله يارب الملا فرج هموم الصابرين
يالله تلهمنا الصبر وقت الشدايد والمحن
ياواسع الرحمة عظيم العرش رب العالمين
يالله ياربي تكفينا البلاوي والفتن
ياربي عفوك ياسميع ويالطيف ويامعين
يالله ثبتنا علي نور الهدايه والسنن
والشكر لك والحمد لك نرضيك يالله ساجدين
والحمدلله علي القضاء مكتوب والحق اليقين

محمد‏ ‏اليونسي معجب بهذا