|
نوبة القلق، وتقنيه قد تكون مفيده
السلام عليكم
اتمنى الجميع يكون بخير ..... ولا ننسى اننا كلنا ما زلنا نحاول نتعافى من مرضنا وفي بعضنا شفى وربي يتمم عليه، وبعضنا توه مصاب وعسى ان يشفى، والبعض يعاني امثالي وامثال غيري وان شاء الله مشفى من هالمرض.
في موضوع كتبته عن الهلع، ان بما تفهم الهلع رح توصل لنصف العلاج. وكانت زبدته عن القلق.
هذا ايضا شئ اخر عن القلق لان لما تفكر بالمرض تلاقي فعلا ان القلق هو زبدة المرض.
طبعا القلق شي طبيعي بالانسان ولازم يقلق اصلا. هو يدفعنا للتفكير السليم بالمواقف الي نحتاجها،، يعني لو ما نقلق واحد اصحابنا مثلا مرض او زكم ما بنهتم ابدا لاننا ما نقلق. عشان كذا لازم نقلق. بس لما يصير القلق مرض مثل حالتنا ف هنا صار في مشكله ويصير القلق الي مننا هو مصدر ازدياد المرض. كيف ؟
ناخذ مثال بسيط،جهاز تحديد المواقع. اول شي تسويه لما تبي تروح مكان مثلا تحط الموقع الي تبيه. والنظام ينشئ لك الخطوط الي تتبعها عشان توصل للمكان الي تبيه بشكل آمن وسريع وسليم بدون اي مشاكل. والنظام حق تحديد المواقع يخزن الوجهه الي جيتها عشان مره ثانيه لما تروح نفس المكان على طول ينزل الموقع الي خزنته.
لو شبهنا عقلنا بنفس الموضوع تحديد المواقع، لما تجينا النوبه نصير نفكر بالامور الي ما نبيها. يعني نخاف ندوخ، نخاف تجينا النوبه، ونخاف نبكي، نخاف من امور كثيره. المشكله اي شي نخاف منه او ما نبيه يصير، يتسجل بالعقل، ويصير العقل يحدد هالمواقع عشان نوصل لها لان ببساطه احنا الي حددنا الامور هذي. وبعد كذا تتخزن بالعقل الباطن، وبمجرد حصول النوبه مره ثانيه، ينزل العقل الباطن الامور المخزنه وبشكل اتوماتيكي تنعاد نفس الامور الي احنا حددناها
برمجة العقل الباطن لازم لها اعاده، بحيث ان النوبه لما تجي نصير نحدد الشي الي احنا نبيه، يعني نبي النوبه تروح، نبي النوبه تروح، نبي نفهم النوبه ان وقتها خطأ وانا مو بحاجتها الان وعقلك يصير يستوعب ان الموقف الفلاني مثلا او الوقت هذا مو وقته فيتسجل بالعقل الباطن ان النوبه لازم تنتهي اذا كانت خطأ وبكذا لما تجي النوبه عقلك الباطن ينزل الي خزنه وتخف النوبه ولا توصل لمرحلة النوبه كامله.
اتمنى اني استفيد وافيد وعسانا نشفى من امراضنا باذن الله
|