نفساني - عرض مشاركة واحدة

24-12-2015, 10:56 AM

اقتباس:

المشاركة الأصلية كتبت بواسطة منتضر الفرحه

تدرين ليه لان انا وصلت حدي وماقدر اتحمل اكثر مالي طاقه خلاص وصلت الحد

انا وصلت لمرحله مثل الايه الي تقول أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب

ابي النصر القريب لان وصلت عندي حدها ترا انتو ماتدرون كيف انا عايش اقسم انه دمار شامل

اخي والله حاسه فيك احنا نساء الاكتئاب يدمرنا كيف بشاب مطالب انه يتوظف ويتزوج ويكون اسرة ويكون مسؤل مسؤلية كامله عنها ولازم يبين قوي ويمشي حياته على نهج معين
انا صايره اخاف على اخواني الشباب كثير من الامراض النفسيه لانها فعلا دمار خصوصا الاكتئاب ونوبات الهلع
بس مهما كان عظم الجزاء من عظم البلاء
وصدقني الله لابد يجعل لك فترة راحه ومهما ضاقت وحسيت انها النهاية لبد يجي يوم تفرج
بس انت ساعد نفسك شوي لاتستسلم
وكون مع الله يكن معك اهم شي الصلاة اخوي لاتتركها مهما كان اذا كنت متضايق وحسيت انك وصلت لمرحلة عدم التحمل وان مالك طاقه صل ركعتين بس وحتى لو ماتدعي بشي اذا كان مالك قدرة على الدعاء فقط قول يارب كررها بتحس بعدها براحه
اكثر من الاستغفار واذا كنت تسمع اغاني ابتعد عنها ترى هي تسبب الحزن والضنك
وارقي نفسك بالفاتحه واية الكرسي والمعوذات بعد الفروض
ادري انك تقرى ردي وممكن تستهزء فيه او تشوف انه مجرد كلام مكرر لايسمن ولا يغني من جوع لكن انا اكلمك عن تجربه كل هالاشياء اسويها اذا اشتد علي المرض والحمدلله ارتاح بعدها واحمد الله على كل حال
حسيت من كلامك ان ماعندك شي تخسره فحاول منت خسران شي بالاول بيكون تطبيق هالكلام صعب لكن شوي شوي بتتعود وبيسهل عليك الامر وبعدين مابتلقى راحتك الا بهالشي
مافيه شي اذا كنت بتاخذ ادوية غير فيها لين تلقى الدوا المناسب استمر عليه بس صدقني اذا ماسويت اللي قلت لك عليه خصوصا الصلاة في وقتها ادوية العالم كلها ماراح تنفعك
اتمنى لك السكينه وراحه البال