شريان القلب

بيانات اضافيه [ + ]

رقم العضوية : 37091  تاريخ التسجيل :  01 2012  أخر زيارة : 06-01-2022 (08:29 PM)  المشاركات : 124 [ + ]  التقييم :  10

لوني المفضل : Cadetblue

السلام عليكم اخت بنت علي
شكرا كثير على كلامك بس انا بدي احكيلك بتيجيني حالات غريبة انو كل شيء بصير معي طبيعي واني مش مريض بس انا فعليا عارف حالي اني مريض وعندي ذهان
بس بصراحة اانا خفت مني شوي هاي الهلاوسات البراسي
بس نفسي اترك القناة صح كانت عندي كل هالمعتقدات البفكر فيها او الناس بشوفوني على الاقمار الصناعية بس بصراحة كنت بوخذ الدوا وقطعته سنة تقريبا رجعتلي هالافكار
المشكلة اني بثق بطبيبي بتعرفي الان بتيجيني افكار غريبة بسمع براسي هلوسات يعني انا ما سمعتها على الواقع
بس من بين كلام الناس الحولي مثلا مش فارقة معه سبقك عليها وغيرها كثير من الاصوات
ما بعرف كيف اعيش واقعي ومين اصدق
انا بعترف اني مريض وذهان الدكتور اخبرني انك مش راح تصدقني شو ما احكيلك انت خذ الدوا لوحك بتتشافى من المرض يعني بمعنى هالكلام
صدقيني يا اخت بنت علي نفسي اعيش طبيعي وما بدي شيء من هالدنيا نفسي ارتب اموري واعيش على قدي بس هالافكار البراسي والاصوات انا عشت هيك بها ي المعتقدات اكثر من سنتين ما بنكر اني في فترة عشت اني حاب اكون شيء وعشت بافكاري بس تصادمت مع الواقع ونصدمت كثير بس وصلت معي مرحلة ابعد ما تتخيلي
بس لما رحت للدكتور وتابعت معاه بدون ما اخبره عن شيء بس هوه كان يسالني هيك اساله عن هاي الامور كنت احكيلو اني طبيعي وما فيي شيء
كنت خايف يحكيلي انو معي فصام بس انا لما رجعتلي الحالة لما رجعت على القناة لازم احط حد لافكاري
بصراحة بدي اعيش مبسوط ومرتاح واكون طبيعي ما بدي اسرح وادمر بيتي وزوجتي معي حتى زوجتي بتحكيلي انك متغير معي
بدي اكون منطقي جدا انا بااحلامي خسرت كثير بحياتي وقعت بصدمات كثيرة ما بدي اعيش دور الضحية فهمتي علي
نفسي ما افكر انو الناس شايفيني وبقراءو افكاري واحلامي هذا اهم شيء عندي والشريط على الشاشة ما يقراء افكاري بدي اكون طبيعي مية بالمية
انا هذه احلامي الان ما بفكر بشيء
احكيلك بصراحة انا كنت افكر بشيء قبل شوي انو انا كل هذا الافكار والمعتقدات البراسي فقط قبل سنوات ما بعرف بالزبط متى بس اجت بالتدريج شوي شوي صرت اقتنع انو انا شيء مهم جدا وهالاشياء هاي امنت فيها
انا كنت اداوم بالقناة وقعدت فيها سنتين تقريبا وتركت القناة ورحت على قناة ثانية داومت شهرين كنت حاسس انو في شيء غريب لما رجعت على القناة بدات هالافكار تدخل براسي هذا كل شيء انا بحكيلك عشان براسي اصوات انه سحب لسانو وغيره من الاصوات ...
فهمتي عشان اكون صريح معاكي جدا لدرجة عالية هذا اليوم الفكرت فيه وسرحت فيه نفسي اعرف ليش هيك صار معي
بس بنفس الوقت انا بعرف اني مريض ذهاني وانه هاي الاصوات كلها اوهام وذهان انا عايش فيها
بس ما بقدر مثل ما حكيتي بيوم وليلة اشيل هالافكار ان شاء الله مع الايام بتعالج منها وبتخلص من هالهلاوس والضلالات البراسي
وخاصه اعتقادي انو الناس بشوفني على الاقمار الصناعية وبقراءو افكاري بس اتخلص من هالاشياء برتاح وبقدر اعيش طبيعي شوي شوي
صدقيني ما بكتبلك الا سبب واحد اني اعيش طبيعي واقسملك بالله ما بدي اشعر اني شيء مهم بس هالافكار غلط بغلط ونفسي انهيها من حياتي
انا بعرف انو هذا مرض واني مريض وبسقط كل شيء علي وبفكر انو الناس بحكو عني او بقصدوني انا بس باذن الله راح اتخلص من هالافكار
انا بفكر بكل الحالات لو عشت بهالشيء بكون مريض لو ما عشت بكون مريض
بتعرفي للان بكتبلك وانا لسى هالافكار براسي بتروح هالافكار وبترجع
ان شاء الله بتخلص من هالافكار
وشكرا الك